घरभित्र पूजा कोठा बनाउँदा हुन्छ सधैँ फलिफाप

घर जतिसुकै ठूलो वा सानो किन नहोस्, त्यसमा एउटा सानो पूजा कोठा अवश्य बनाउनुपर्छ । घरभित्र पूजा कोठा हुनु धेरै महत्त्पूर्ण कुरा हो । किनकि, यसले घरमा सकारात्मक ऊर्जा दिन्छ । त्यसैले, मन्दिरसँग सम्बन्धित केही यस्ता तथ्य छन्, जसलाई यहाँ प्रस्तुत गरिएको छ ।

– घरमा मन्दिर पूर्व अथवा उत्तर दिशाको (उत्तर–पूर्व) मा बनाउनुपर्छ ।
– वास्तुशास्त्रअनुसार ईश्वरीय शक्ति ईशान कोणबाट प्रवेश गरी नैऋत्य कोण (पश्चिम–दक्षिण) बाट बाहिर निस्कन्छ । यदि, यो सम्भव भएन भने पश्चिम दिशामा पनि तपाईंले मन्दिर बनाउन सक्नुहुनेछ । तर, दक्षिण दिशामा मन्दिर बनाउनु फलदायी हुँदैन ।
– पूजा गर्ने व्यक्तिको मुहार पश्चिम दिशातर्फ फर्किएको छ भने शुभ हुनेछ । यसका लागि मन्दिरको ढोका पूर्व दिशातर्फ हुनुपर्छ ।
– घरको मन्दिरमा हरेक दिन बिहान तथा साँझ अगरबत्ती तथा दियो बाल्नुहोला । दियो अर्थात् दीप बाल्नाले घरका थुप्रै वास्तु दोष काटिनेछन् ।
– तपाईंको घरमा शौचालय र पूजा गर्ने मन्दिर नजिक–नजिक हुनुहुँदैन ।
– पूजास्थलको छेउमा थोरै स्थान खुल्ला पनि हुनुपर्छ । पूजा सकेपछि पनि केही बेर ध्यान गर्न आवश्यक छ ।
– मन्दिरसँगै त्यसको छेउमा पूजा सामग्री, धार्मिक पुस्तक, शुभ वस्तुहरू राख्नु पर्दछ । घरका अन्य सामान भने मन्दिर रहेको स्थानमा नराख्नु होला ।

यो पनि…
घरमा रोप्नुहोस् यी औषधीय गुण भएका बिरूवाहरू
घरलाई यसरी सजाउँदा देखिन्छ सबैभन्दा आकर्षक