विन्ध्यवासिनी म्युजिक अवार्ड सम्पन्न

१२औँ विन्ध्यवासिनी म्युजिक अवार्ड सम्पन्न भएको छ । होटल याक एन्ड यतिमा शनिबार भव्यरूपमा सम्पन्न भएको कार्यक्रममा महानायक राजेश हमाल, डा.कृष्णहरि बराल, प्रकाश गुरुङ, किरण खरेलजस्ता स्रष्टाहरूको सहभागिता थियो ।

रमपमद्वारा प्रायोजित विन्ध्यवासिनी म्युजिक प्रा.लिको आयोजनामा सम्पन्न भएको विन्ध्यवासिनी म्युजिक अवार्ड २०७८ मुक्तिनाथ विकास बैंकले प्रस्तुति गरेको थियो ।

विन्ध्यवासिनी म्युजिक अवार्ड कार्यक्रममा पहिलोपटक ‘प्रेमध्वज प्रधानप्रति समर्पित गर्दै ‘प्रेमध्वज संगीत रत्न सम्मान’ को शुरुवात पनि भएको छ ।

‘१२औं विन्ध्यवासिनी म्युजिक अवार्ड २०७८’मा वरिष्ठ गीतकार विश्व बल्लभलाई नगद रु. १ लाखसहित ‘लाइफटाइम अचिभमेन्ट अवार्ड’ ले सम्मान गरिएको छ ।

त्यस्तै, वरिष्ठ गायिका तारा थापालाई ५० हजार रुपैंयाँ राशीसहितको ‘विन्ध्यवासिनी संगीत साधना सम्मान २०७८’बाट सम्मान गरिएको छ भने गायक अजर जंगमलाई २५ हजार रुपैयाँसहित प्रेमध्वज संगीत रत्न सम्मानबाट सम्मान गरिएको छ ।

यसैगरी, पत्रकार श्री श्याम स्मृति ‘विन्ध्यवासिनी संगीत कला पत्रकारिता सम्मान’ नगद २५ हजारले सम्मानित भएका छन् ।

को–को भए सर्वोत्कृष्ट ?

पपुलर अवार्ड : भूमिका गिरी
अन्तर्राष्ट्रिय संगीत सम्मान : पुरन प्रधान ‘अस्ट्रेलिया’
पब्लिक च्वाइस अवार्ड : ध्रुवप्रसाद अम्गाई
जुरी अवार्ड (गायनतर्फ) : लाबोनी चक्रवर्ती
जुरी अवार्ड (म्युजिक भिडियोतर्फ) : बबिता श्रेष्ठ मलेकु
जुरी अवार्ड अभिनयतर्फ : एलिना रायमाझी
जुरी अवार्ड संगीततर्फ : सुरज पण्डित
जुरी अवार्ड गीततर्फ : बालक गुरुङ
सर्वोत्कृष्ट गीत : ‘बल्दो मैनबत्ती’ दुर्गालाल श्रेष्ठ
सुगम संगीत सर्वोत्कृष्ट गायक : बादल थापा ‘धुरूरू’
सुगम संगीत सर्वोत्कृष्ट गायिका : समीक्षा अधिकारी ‘धुरूरू’
सुगम संगीत सर्वोत्कृष्ट संगीत : थानेश्वर गौतम ‘तिम्रा यादहरू’
सुगम संगीत सर्वोत्कृष्ट रचना : जीवन विश्वकर्मा ‘तिम्रा यादहरू’
सर्वोत्कृष्ट एरेन्जर (संगीत संयोजन) : विश्वास नेपाल ‘सनीसार’
सर्वोत्कृष्ट पप गायक : सुरज कुमार थापा ‘भयो त भयो’
सर्वोत्कृष्ट युगल गायन : मेलिना राई र श्री सरोज कोइराला ‘ऐलान’
सर्वोत्कृष्ट लोक दोहोरी गायक : कुशल बेल्बासे ‘शनिसार’
सर्वोत्कृष्ट लोक दोहोरी गायीका : शान्तिश्री परियार ‘हातैका पौजाले’
सर्वोत्कृष्ट लोकदोहोरी भाका : ऋषि खड्का ‘बर्बादी’
सर्वोत्कृष्ट लोकदोहोरी रचना : भागीरथ चलाउने ‘फलाम पिटे तरबार’
सर्वोत्कृष्ट लोकदोहोरी गीत : ‘कुरा बुझ्नपर्छ’ प्रकाश सपूत
सर्वोत्कृष्ट पप तथा आधुनिक भिडियो मोडल : दिक्पाल कार्की र अनु शाह ‘खुसी दिने‘
सर्वोत्कृष्ट राष्ट्रिय भावनाले ओतप्रोत गीत ‘मेरो पनि हैन र यो देश : प्रकाश सपूत
सर्वोत्कृष्ट लोदोहोरी म्युजिक भिडियो निर्देशक : स्मृति तिमल्सिना ‘गुरुआमा‘ ‘याद’
सर्वोत्कृष्ट सुगम सगीत म्युजिक भिडियो निर्देशक : देवेन्द्र पाण्डे ‘पिरती बस्यो नी सानु’
सर्वोत्कृष्ट सुगम संगीत महिला गीतकार : सुनीता बस्नेत थापा ‘सुटुक्कै’
सर्वोत्कृष्ट म्युजिक भिडियो छायाँंकार : मधुर बस्नेत ‘पागल’
सर्वोत्कृष्ट म्युजिक भिडियो सम्पादक : दीपक विष्ट ‘सूर्ती माड्दा माड्दै’
सर्वोत्कृष्ट लोक तथा दोहोरी नवप्रतिभा : जानुका तामाङ ‘उखु गुलियो’
सर्वोत्कृष्ट पप तथा आधुनिक नवप्रतिभा : प्रमित लामिछाने ‘खुसी दिने’
सर्वोत्कृष्ट लोक तथा दोहोरी मोडल : सारिका केसी. र शिशिर पौडेल ‘शनिसार’

यो पनि…
सुदूरपश्चिम स्पोर्टस् अवार्ड मनोनयन सार्वजनिक
कोभिडका कारण सर्यो ‘आइफा अवार्ड’