कुन समयमा कस्तो जुत्ता-चप्पल लगाउने ?
हरेक मानिसको व्यक्तित्व उसले लगाएको जुत्ताबाट प्रस्ट रूपमा झल्किन्छ । जुत्ताले मानिसको हैसियतसमेत बताउँछ । हामीले जुत्ता-चप्पललाई इज्जतसाथ लगाएमा भने त्यसले तपाईंको स्तर बढाउँछ ।
धेरै जसो समय, मौसम र अवसर हेरेर जुत्ता-चप्पल लगाउने गर्नुपर्छ । जुत्ता-चप्पलको मामलामा पुरुषभन्दा महिला एक कदम अगाडि हुन्छन् । यहाँ हामी महिलाले कस्तो अवसर र समारोहमा कस्तो जुत्ता-चप्पल लगाउने त ?
साँझको पार्टीमा
जमघटहरूमा सामान्य फ्ल्याट तथा हल्का हिल भएको चप्पल अथवा जुत्ता लगाउनुपर्छ । यस्तो अवसरमा चौडा हिल भएको चप्पल पनि उपयुक्त हुन सक्छ । यसले खुट्टालाई आराम दिन्छ । साँझको पार्टीमा अग्लो हिल भएको जुत्ता लगाउनु हुँदैन ।अग्लो हिल भएको जुत्ता अथवा चप्पल लगाएर धेरै समयसम्म हिँडडुल गर्न गाह्रो हुन्छ ।
रातिको पार्टी
रातीको पार्टीमा हिल कम भएको जुत्ता नै उपयुक्त हुन्छ । अझ वेज हिल भएका जुत्ता नै रातको पार्टीका लागि उपयुक्त हुन्छ । यो हिलले खुट्टालाई पूर्ण रूपले सपोर्ट दिन्छ, रत्तिभर असहज महसुस हुन दिँदैन ।
घुमफिर
साथी-भाइहरूसँग बाहिर घुम्न जानुभएको बेला फ्ल्याट जुत्ता लगाउनु उपयुक्त हुन्छ । यस्तो बेला जिन्ससँग स्पोर्ट्स सुज पनि उपयुक्त हुनसक्छ ।
होटल
डिनरका लागि होटल गएको बेला हल्का फेसनेबल हुन मन लाग्छ । त्यस्तो बेलामा आफ्नो पहिरन अनुसारकै जुत्ता-चप्पल छनोट गर्नुपर्छ । त्यो बेला साधारण खालको पहिरन लगाइएको छ भने जुत्ता-चप्पलमा विशेष ध्यान दिनुपर्छ ।
विवाहको पार्टी
विवाह, व्रतबन्धजस्ता विशेष अवसरमा हाइहिल भएकै फुटवेयर प्रयोग गर्न सकिन्छ, जसले तपाईंको शारीरिक बनावटलाई आकर्षक देखाउँछ । आफूले लगाएको पहिरनसँग जुत्ता-चप्पल मिलेको छ कि छैन भन्ने कुरामा ध्यान दिनुपर्छ ।
यो पनि…
कपाल झर्न रोक्ने पाँच प्राकृतिक उपाय जसले नयाँ कपाल उमार्न पनि सहयोग गर्छ
मोटोपना घटाउन के खाने के नखाने ?
