सेभेन भिलेन’ बनाउँदै राजेन्द्र खड्गी
नेपाली फिल्मका चर्चित द्वन्द्व निर्देशक तथा कलाकार राजेन्द्र खड्गी लामो समयपछि फिल्म निर्माणमा फर्किने भएका छन् । उनी ‘सेभेन भिलेन’ नामक फिल्मबाट पुनः निर्माणमा देखिन लागेका हुन् ।
फिल्मको निर्देशन शोभित बस्नेतले गर्ने भएका छन् । वैशाख अन्तिमबाट छायाङ्कन सुरु हुने बताइएको फिल्म ७ भिलेन चरित्रको बिषयमा निर्माण हुन लागेको हो ।
दर्शकले भिलेनको चरित्रमा रुचाएका ७ कलाकारको फिल्ममा मुख्य भुमिका रहने निर्देशक बस्नेतले बताए । फिल्मको मुख्य भूमिकाको लागि राजेन्द्र खड्गी, सुनील थापा, दिनेश डिसी, सम्राट सापकोटा अहिले फाइनल भएका छन् भने केही छान्न बाँकी रहेको बस्नेतको भनाई रहेको छ ।
एक्सन जनरामा निर्माण हुने फिल्मको स्क्रिप्टमा काम भइरहेको छ । ‘सेभेन भिलेन’ भन्दा अगाडि निर्देशक बस्नेत ‘हाम्रो स्वर्ग’ नामक फिल्मको काम गर्नेछन् ।
यो पनि
गुदी नभेटिएपछि नेपाली फिल्मबाट टाढिदैछन् दर्शक
नेपाली फिल्मले दर्शकलाई हलसम्म डोर्याउन किन सकेन ?
