युक्रेन र रूसबीच मंगलबार टर्कीमा वार्ता हुने
युक्रेन र रूसबीच टर्कीमा वार्ता हुने भएको छ । भौतिक रूपमै दुई देशका अधिकारीहरूबीच मंगलबार वार्ता हुने भएको हो । टर्कीको राष्ट्रपति कार्यालयले दिएको जानकारीअनुसार राजधानी स्तानबुलमा वार्ता हुनेछ ।
आइतबार टर्किस राष्ट्रपति रिपेप तैयप एर्डोगान र रूसी राष्ट्रपति भ्लादिमिर पुटिनबीच भएको टेलिफोन संवादमा स्तानबुलमा वार्ता गर्ने सहमति भएको अन्तर्राष्ट्रिय सञ्चारमाध्यमले जनाए । स्तानबुलमा युक्रेन र रूसका वार्ता टोलीबीच हुने कुराकानीलाई महत्त्वका साथ हेरिएको छ ।
युद्ध अन्त्यका लागि आफूहरू तटस्थ हैसियतका सम्बन्धमा छलफल गर्न तयार रहेको युक्रेनी राष्ट्रपति भोलोदिमिर जेलेन्स्कीले बताएको परिवेशमा वार्ता हुन लागेको हो । रूस र युक्रेनबीच यसअघि पनि वार्ता भएको थियो ।
यो पनि…
पुटिन रहन सक्दैनन् : बाइडेन
रूस-युक्रेन द्वन्द्व : यस्ता छन् पछिल्ला घटना
