यात्रा सुखद् बनाउने उपाय
भनिन्छ नराम्रो समय सुनाएर आउँदैन । दुर्घटना जुनसुकै बेला र जहाँ पनि हुन सक्छ । यदि तपाईं यात्रामा जाने योजनामा हुनुहुन्छ भने वास्तुशास्त्रका केही उपाय अबलम्वन गर्नुहोस् ।
यी उपाय पालना गर्दा तपाईंको यात्रा रमाइलो र कुनै पनि अप्रिय घटनाबाट बच्न सकिन्छ । आउनुहोस् यी उपायहरूको बारेमा जान्नुहोस् ।
गायत्री मन्त्र जप गरेर आफ्नो यात्रा सुरु गर्नुहोस् । यात्रामा जाँदा मौसम वा प्रकृतिसँग सम्बन्धित कुनै कुराको बारेमा अपमानजनक शब्दहरू कहिल्यै नबोल्नुहोस् ।
यात्रामा निस्कनुअघि झपक्क गहना लगाएकी सुन्दरी महिला देखिए वा गाईले बाछोलाई खुवाउँदै गरेको देखिए त्यसलाई शुभ मानिन्छ ।
यात्रामा जाँदा घरमा भगवान् गणेशलाई दर्शन गर्नुहोस् र सुखद् यात्राको कामना गर्नुहोस् । यात्रा सुरु गर्नुअघि आफ्नो कुल द्यौतालाई याद गर्नुहोस् ।
तोरीको तेलमा दियो बाल्नुहोस् । यसो गर्दा वातावरणमा सकारात्मकता आउँछ । घरबाट बाहिर निस्कनुअघि ऐनामा हेर्नुहोस् र दही खाएपछि बाहिर निस्कनुहोस् ।
यात्रामा जहाँ बसिरहनुभएको छ उत्तर दिशातर्फ फर्केर नसुत्नुहोस् । यदि तपाईं धार्मिक यात्रामा जाँदै हुनुहुन्छ भने यात्रा गर्नुअघि हनुमान मन्दिरमा पैसा, फलफूल, फूलमध्ये एक चढाउनुहोस् ।
यो पनि….
आम मानिसको पहुँचमा छैन स्वास्थ्य सेवा
मस्तिष्क मृत्युपछि हुने अंगदानलाई कसरी प्रवर्द्वन गर्ने ?
यस्ता हुन्छन् मृगौला बिग्रने कारण र लक्षण, कसरी बच्ने ?
