युक्रेनमा फेरि बिस्फोट, ८ जनाको मृत्यु
रूसी सेनाले युक्रेनको राजधानी किभस्थित एउटा सपिङ मलमा शक्तिशाली बिस्फोट गराउँदा कम्तीमा ८ जनाको मृत्यु भएको छ । बिस्फोटमा केही घाइते भएका छन् । रेट्रोभाइल सपिङ मलमा रूसी सेनाले बिस्फोट गराएका हुन् ।
बिस्फोटपछि सपिङ मल वरपर राखिएका सवारी साधनमासमेत क्षति भएको थियो । बिस्फोटपछि १० तले सो भवनमा आगो लागेको थियो । आगो निभाउन ६३ अग्नि नियन्त्रकहरू परिचालन गरिएको प्राप्त विवरणहरूमा जनाइएको छ ।
पछिल्लो समयमा रूसी सेनाले आवासीय भवन र सैनिक अखडाहरूलाई निशाना बनाएको छ । रूसी हमलामा अहिलेसम्म १ करोड युक्रेनीले घर छाडेका राष्ट्रसंघको शरणार्थीसम्बन्धी निकाय यूएनएचसीआरले जनाएको छ ।
२४ फेब्रुवरीदेखि सुरु भएको रूसी हमलामा लाखौँ युक्रेनीले विभिन्न देशमा शरण लिएका छन् ।
यो पनि…
यी हुन् पुटिनका माग
रूस–युक्रेन द्वन्द्व : वार्ता विफल भए के हुन्छ ?
