बैठक कोठाले झल्काउँछ तपाईंको व्यक्तित्व

घरको सबैभन्दा महत्वपूर्ण स्थान हो, बैठक कोठा । पाहुनाको सत्कारदेखि विभिन्न घरका कार्यक्रमहरू बैठक कोठामै हुने भएकोले यसको सरसफाइ र सजावटमा विशेष ध्यान दिनु जरुरी हुन्छ । बैठक कोठा सजाउन यी कुरामा विशेष ध्यान दिनुहोस् ।

प्राकृतिक उज्यालो

प्राकृतिक उज्यालो जहिले पनि कृत्रिम भन्दा आनन्ददायक हुने हुँदा बैठक कोठामा घामको प्रकाश ल्याउनुपर्छ । झ्यालबाट आएको उज्यालो प्रकाशले बेग्लै किसिमको सौन्दर्य प्रदान गर्छ ।

फर्निचरको छनोट

बैठक कोठामा आवश्यक फर्निचर मात्र राख्नुहोस् । साथै दराज, खाट र सोफा सामान्य खालको राख्नुपर्छ । कोठाको रङसँग सुहाउँदो फर्निचर राख्दा अझ सुन्दर देखिन्छ ।

कलाकृति

पछिल्लो समय बैठक कोठा सजाउन पेन्टिङ राख्ने चलन बढ्दो छ । महँगो कलाकृतिमा मोटो रकम खर्च नगरी आकर्षक चीजहरूको सिर्जना गरेर पनि कोठा सजाउन सकिन्छ । सिर्जनात्मक तरिकाले कुनै आकर्षक चीजहरू बनाई टेबलमा सजाएर पनि राख्न सकिन्छ ।

पर्दा

बैठक कोठालाई आकर्षक बनाउन सुहाउँदो पर्दाको छनोट गर्न आवश्यक हुन्छ । किनभने त्यसले कोठाको आकर्षण सुधार्न मद्दत पुर्याउँछ । साथै, पर्दाको छनोट गर्दा भित्ताको र फर्निचरको रङसँग म्याचिङ गराउनुपर्छ ।

कुशन

विभिन्न रंगका सुन्दर कुशन राख्नाले बैठक कोठाको बनोटमा सुन्दरता थपिन्छ । पछिल्लो समय बैठक कोठामा आकर्षक कुसनको प्रयोग पनि बढ्दै गइरहेको छ ।

यो पनि…
यी कुराले बनाउँछ घरलाई फोहोर
घरलाई यसरी सजाउँदा देखिन्छ सबैभन्दा आकर्षक