गहिरो निद्राका लागि के-के खाने ?
गहिरो निद्राले शरीरलाई थकानमुक्त बनाउँछ । स्वास्थ्यका लागि दैनिक ७ देखि ९ घण्टा गहिरो निन्द्रा सुत्न विज्ञहरूले सिफारिस गर्दै आएका छन् । निन्द्रा राम्रो पर्यो भने धेरै रोग लाग्नबाट जोगिन्छ ।
शरीरमात्र नभएर गहिरो निन्द्राले दिमागलाई पनि स्वस्थ राख्छ । निद्रा बढाउन एमिनो एसिड, इन्जाइम, पोषक तत्त्व र हर्मोन जस्ता धेरै रसायनहरू मिलेर काम गर्छन् । यी तत्त्व भएका खानेकुरा खाँदा निन्द्रा गहिरो बनाउन मद्दत गर्छ ।
बदाम
बदाममा मेलाटोनिन हर्मोन राम्रो मात्रामा पाइन्छ । मेलाटोनिन एउटा हर्मोन हो जसले सुत्ने-ब्यूँझने चक्रलाई नियमन गर्न मद्दत गर्दछ । बदामा म्याग्नेसियम र क्याल्सियम हुन्छ, जसले मांसपेशीलाई आराम दिन्छ र राम्रो निन्द्रा पार्न मद्दत गर्छ ।
दूध
दूधमा गहिरो निन्द्रा पार्ने यौगिकहरू क्याल्सियम, भिटामिन डी र मेलाटोनिन पाइन्छ । दूधमा भएका यी गुणले राति मस्त निन्द्रा लाग्न धेरै मद्दत गर्नेछ । निन्द्रा नलाग्ने समस्या भए राति सुत्नुअघि एक कप मनतातो दूध पिउँदा निकै फाइदा पुग्छ ।
ओखर
ओखरमा निन्द्रा बढाउन मद्दत गर्ने मेलाटोनिन, सेरोटोनिन र म्याग्नेसियम जस्ता यौगिकहरू हुन्छन् । त्यसैले निन्द्रा नपर्ने समस्या छ भने वा गहिरो निन्द्राको चाहना भए ओखर नियमित खानुपर्छ ।
बोसोयुक्त माछा सेवनले गहिरो निन्द्रा पनि पर्छ । त्यसका लागि साल्मन, टुना र म्याकरेल जस्ता बोसोयुक्त माछा राम्रो हुन्छ । यसमा प्रशस्त मात्रामा भिटामिन डी पाइन्छ । जसले मुटुको रक्षा गर्न र मस्तिष्कलाई सक्रिय राख्न मद्दत गर्दछ ।
चिया
क्यामोमाइल एक प्रकारको हर्बल चिया हो । यसका धेरै फाइदाहरू हुन्छन् । यसमा एन्टिअक्सिडेन्ट हुन्छ । यसले दीर्घकालीन रोगहरूको जोखिम कम गर्न मद्दत गर्छ । क्यामोमाइल चिया पिउनाले रोग प्रतिरोधात्मक क्षमता बढ्छ । यसमा निद्राको गुणस्तर सुधार गर्न सक्ने केही गुणहरू हुन्छन् ।
यो पनि
पल प्रकरण : गायिका ‘नाबालिग’ भएकोमा एलिना चौहानको आशंका
