पल शाहले भने- दोषी प्रमाणित भए सजाय भोग्न तयार छु
अभिनेता पल शाहले आफूमाथि लागेको आरोप प्रमाणित भए कानूनअनुसार सजाय भोग्न तयार रहेको बताएका छन् ।
बिहीबार बिहान सामाजिक सञ्जाल फेसबुकमार्फत आफूमाथि षडयन्त्र भएको भन्दै आफू दोषी ठहरिए कानुनअनुसार सजाय भोग्न तयार रहेको बताएका हुन् । उनले भनेका छन्, ‘यदी म दोषी भए नेपालको कानूनबमोजिम सजाय भोग्न तयार छु ।’
अभिनेता शाहले आफूमाथि षडयन्त्र गर्नेहरू दुर्गेश थापा, सरोज वली, कृष्ण जोशी र सम्राट चौलागाईं रहेको खुलाएका छन् । शाहले उनीहरूको अडियो क्लिपसमेत सार्वजनिक गरिदिएका छन् ।
उनीविरूद्ध बुधबार एक गायिकाले तनहुँ प्रहरीमा जबरजस्ती करणीको कसुरमा जाहेरी दिएकी छिन् । अभिनेता शाहले आफूलाई विगत दुई वर्षदेखि पटक-पटक जबरजस्ती करणी गरेको आरोप उनले लगाएकी छिन् ।
यो पनि
पल-समिक्षा : तनहुँको एउटा कोठादेखि प्रहरी अड्डासम्म
