एमसीसी संसदमा छलफल गर्न नेकपा एस तयार
नेपाल कम्युनिस्ट पार्टी (एकीकृत समाजवादी) स्थायी कमिटीले एमसीसीलाई जस्ताको तस्तै अनुमोदन गर्न गर्न नसकिने भए पनि संसदमा सघन छलफल गर्न तयार हुने निर्णय गरेको छ ।
शनिबारको बैठकपछि विज्ञप्ति जारी गर्दै नेकपा एसका महासचिव डा.बेदुराम भुसालले बैठकमा वर्तमान राष्ट्रिय परिस्थित र एमसीसीका बारेमा छलफल भएको जानकारी दिएका छन् ।
नेता झलनाथ खनालले एमसीसी कम्याक्ट अध्ययन समुहले तयार पारेको निष्कर्ष प्रस्तुत गरेका थिए । बैठकमा स्थायी कमिटीका २५ जना सदस्यहरूले दुवै विषयमा आ–आफ्ना धारणा राखेको विज्ञप्तिमा जनाइएको छ ।
‘बैठकले एमसीसी कम्प्याक्टलाई जस्ताको तस्तै अनुमोदन गर्न नसकिने तर सार्वभौम संसदमा सघन छलफल गर्न भने तयार हुने निर्णय गरेको छ’ भुसालले जारी गरेको विज्ञप्तिमा भनिएको छ ।
यो पनि
नेपालमा एमसीसीबारे अमेरिका र चीन सवाल-जवाफ : कसले के भने ?
