घट्यो संक्रमण दर
नेपालमा थप ४ सय ३७ जनामा कोरोना संक्रमण पुष्टि भएको छ भने २ हजार ४ सय ५४ जना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ९ हजार ९१ नमूना परीक्षण गर्दा सो संख्यामा संक्रमण पुष्टि भएको हो ।
थपिएका संक्रमितमध्ये सबैभन्दा बढी काठमाडौं उपत्यकामा रहेका छन् । जमसमा काठमाडौंमा ६८, भक्तपुरमा २ र ललितपुरमा १९ संक्रमित थपिएका हुन् । यसैगरी, पछिल्लो २४ घन्टामा थप २ जना कोरोना सङ्क्रमितको मृत्यु भएको छ । यो सँगै नेपालमा कोरोना संक्रमणका कारण ज्यान गुमाउनेको संख्या ११हजार ९ सय १३ पुगेको छ ।
नेपालमा हाल १४ हजार ४ सय ३४ सक्रिय संक्रमित रहेको मन्त्रालयले जनाएको छ । जसमा १३ हजार ८ सय २८ जना संक्रमित होम आइसोलेसन र ६ सय ७ जना संस्थागत आइसोलेसनमा रहेको मन्त्रालयले जनाएको छ । त्यस्तै, १ सय ४४ संक्रमितको आईसीयु र २३ जनाको भेन्टिलेटरमा उपचार भइरहेको छ ।
यो पनि…
७४७ जनामा संक्रमित थपिँदा २,३१९ जना निको
६८० जनामा संक्रमित थपिँदा १८३५ जना निको
