फ्युज गएको बल्बले घर सजाउने तरिका

विद्युतीय बल्ब प्रायः सबैको घरमा हुन्छ । केही समयको प्रयोगपछि बल्बमा फ्युज गएमा हामी त्यसलाई फालिदिन्छौँ । तर, खेर जाने यी बल्बले घर सजाउनमा लागि रोचक क्राफ्ट बनाउन सकिन्छ । यसको प्रयोगबारे जान्नुहोस् ।

झुन्डिएको फूलको भाँडो

झुन्डिएको फुलको भाडोले घर सजाउनका लागि यी फ्युज गएका बल्बहरू धेरै उपयोगी हुनसक्छ । त्यसका लागि सबैभन्दा पहिले बल्बलाई कटरको मद्दतले माथिल्लो धातुको भाग बिस्तारै काट्नुहोस् । त्यसपछि बल्बभित्रका सबै भागहरू निकालेर त्यसमा तातो ग्लुको मद्दतले डोरीलाई बल्बको छेउमा जोड्नुहोस् । जुन झुड्याउन काम आउनेछ ।

जब ग्लु सुक्खा हुन्छ तब यो डोरी बलियो हुन्छ । अब बल्बभित्र पानी हाली आफूलाई मनपर्ने फूल राखेर सजाउन सक्नुहुन्छ ।

गिफ्ट जार

यदि, ततपाईंले गिफ्टका लागि बनाउन चाहनुहुन्छ भने बल्बलाई जारको रूपमा प्रयोग गर्न सक्नुहुन्छ । यो बल्ब जारभित्र, टफी, सन्देश नोट, झुम्की, औँठी, फूल जस्ता उपहारहरू राखेर गिफ्टहरू दिन सक्नुहुन्छ ।

चित्रकला

चित्र बनाउन मन पराउने व्यक्तिहरूले बल्बमा पनि आफ्नो रचनात्मक देखाउन सक्नुहुनेछ । बल्बमा बनाइएका चित्रहरू शो–पिसको रूपमा सजाउन सक्नुहुन्छ । यस प्रकारको चित्रकलाको लागि एंकिलिक रंगहरू आवश्यक पर्दछ ।

बल्बमा दियो

फ्युज गएको बल्बको प्रयोग गरी दियो बत्ती बनाउन सकिन्छ । यो अन्यभन्दा धेरै फरक देखिन्छन् र तयार गर्न पनि सजिलो हुन्छ ।

यसका लागि पहिला बल्बलाई खालि गरी बल्बमुनि काठको टुक्रा टाँस्नुहोस् । यस बल्बलाई राम्रो देखाउनको लागि पेन्ट पनि गर्न सक्नुहुन्छ । बल्बमा कपासको बत्ती राख्नुहोस् । तर, कपासको बत्ती अलि लामो हुनुपर्दछ ताकि, समय–समयमा परिवर्तन गर्न नपरोस् ।

यो पनि…
घर बनाउने सपना, ‘गुरु’ ले पार्छ साकार
इन्टेरियर डेकोरेसनले घरलाई सुन्दर बनाउनुहोस्