यी देशले गरे आफ्ना नागरिकलाई युक्रेन छोड्न आग्रह
विश्वका विभिन्न देशहरूले आफ्ना नागरिकहरूलाई युक्रेन छोड्न आग्रह गरेका छन् । रसियाले कुनै पनि बेला युक्रेनमाथि अतिक्रमण गर्ने खतरा बढेको भन्दै पश्चिमेली देशहरूले चेतावनी दिइरहेका बेला विभिन्न देशले आफ्ना नागरिकहरूलाई युक्रेन छोड्न आग्रह गरेका हुन् ।
अस्ट्रेलिया, इटाली, इजरायल, नेदरल्यान्ड र जापानले पनि आफ्ना नागरिकहरूलाई युक्रेन छोड्न आग्रह गरेका छन् । केही देशले त आफ्ना कूटनीतिक कर्मचारी र उनका परिवारलाई समेत फिर्ता बोलाएका छन् ।
अमेरिका, जर्मनी र बेलायतलगायतका देशहरूले आफ्ना नागरिकहरूलाई युक्रेन छोड्न भनेको छ ।
क्यानडाले आफ्ना दूतावासका कर्मचारीलाई पोल्यान्डसँगको सीमाना जोडिएको पश्चिमी युक्रेनी सहर लिभिभमा सार्ने भएको छ । युक्रेनका लागि बेलायती दूत मेलिन्डा सिमोन्सले ट्विट गर्दै आफू र सम्पूर्ण टिम किभमा बसेको जनाएकी छिन् ।
एउटा फोनवार्ता अमेरिकी राष्ट्रपति जो बाइडेनले रसियाली राष्ट्रपति भ्लादमिर पुटिनलाई अतिक्रमणको कुनै पनि मूल्य चुकाउनुपर्ने चेतावनी दिँदै आएका छन् ।
उता युक्रेनका राष्ट्रपति भोलोदिमिर जेलेन्स्किीले अतिक्रमणको चेतावनीले युक्रेनमा त्रास बढेको बताउँदै आएका छन् ।
यो पनि
भारत–चीन विवादबारे संसदमा आलोचना
युक्रेन मामिला : अमेरिका र रसियाबीच आरोप-प्रत्यारोप
