भ्यालेन्टाइनमा यसरी घरमै बनाउनुहोस् चकलेट
भ्यालेन्टाइन विकको आज तेस्रो दिन अर्थात्, चकलेट डे । चकलेट डेको अवसरमा तपाईंले आफ्नै हातले घरमै चकलेट बनाएर आफ्नो पार्टनरलाई खुवाउन पनि सक्नुहुन्छ । यसका लागि तपाईंले घरमै बदाम चकलेट, काजु चकलेट, नरिवल वा जुनसुकै चकलेट बनाउन सक्नुहुन्छ । यसरी सजिलै घरमा चकलेट बनाउनुहोस् ।
चकलेट सामग्री
नरिवलको तेल वा बटर– ३/४ कप
चिनी – १ कप
कोको पाउडर– ३/४ कप
दूध पाउडर– २/३ कप
भेनिला एसेन्स– १ चम्चा
काजु, बदाम, नरिवल– एक कप
बनाउने तरिका
– सबैभन्दा पहिले पानी तताउनुहोस् ।
– पानी तातेपछि त्यसमाथि एउटा ठूलो कचौरा राखी त्यसमा नरिवलको तेल हाल्नुहोस् ।
– त्यसपछि यसमा चिनी, कोको पाउडर र दूध पाउडर मिसाउनुहोस् ।
– एकछिन पछि यसमा भेनिला एसेन्स, काजु, बदाम, तथा कोरेको नरिवल हालेर चलाउनुहोस् ।
– अब यसलाई राम्ररी मिलाएर रेशमी आकार नभएसम्म पकाइरहनुहोस् ।
पूरा पाकेपछि अब यसलाई स–साना डल्लाहरू बनाई चकलेट खान सकिन्छ ।
यो पनि…
यी हुन् पुरुषले फेसनमा ध्यान दिनैपर्ने कुराहरु
तोरीको तेल : जसले पुर्याउँछ शरीरलाई यस्तो फाइदा
