पुरानो साडीको प्रयोग गरी सजाउनुहोस घर
सबैकोे घरमा पुराना साडीहरू प्रयोगविहीन भई यत्रतत्र अवस्थामा रहेका हुन्छन् । अब ती पुराना साडीहरू प्रयोगमा ल्याउन सकिने भएको छ । ती साडीहरूको प्रयोगबाट तपाईंले कम बजेटमा आफ्नो घरलाई राम्रोसँग सजाउन सक्नुहुन्छ ।
सिरानीको कर्भर
यदि, तपाईंको घरमा च्यातिएको सिल्क साडी भने ती साडीहरूको मद्दतले विभिन्न कभरहरू बनाउन सकिन्छ । यसको प्रयोग गरेर घरमा हुने कुशन तथा सिरानीको कभरहरू बनाउन सकिन्छ । साडीहरू जति रंगीन देखिन्छन् सिरानी र कुशनका कभरहरू पनि त्यति नै आकर्षक देखिन्छन् ।
साडीको पर्दा
तपाईं घरको पर्दा फेर्ने सोचमा हुनुहुन्छ भने पुराना रेशमी साडीहरूको प्रयोग गरेर कम बजेटमा राम्रो पर्दा लगाउन सक्नुहुन्छ । तपाईंले विभिन्न फरक कलरको साडीलाई स्टिच गरी घरलाई नयाँ लुक्स दिन सक्नुहुन्छ ।
साडीको फ्रेम
भित्तामा फ्रेम गरी साडीलाई सजाउनु पनि एक नौलो तरिका हो । यसैगरी, साडीलाई टुक्रा पारी वाल आर्टजस्तै फ्रेममा पनि सजाउन सकिन्छ । यसले तपाईंको घरलाई सुन्दर बनाउँछ ।
यो पनि…
घर बनाउने सपना, ‘गुरु’ ले पार्छ साकार
इन्टेरियर डेकोरेसनले घरलाई सुन्दर बनाउनुहोस्
