ल्होसार : ‘ल्हो’ र ‘सार’ को अर्थ के हो ?
सरकारले आज बुधबार देशभर सार्वजनिक बिदा दिएको छ। गृह मन्त्रालयले तामाङको सांस्कृतिक पर्व सोनाम ल्होसारमा देशभर सार्वजनिक बिदा दिने निर्णय मंगलबार नै गरेको हो। यो पर्व तामाङ समुदायले नयाँ वर्षको रुपमा मनाउने गर्छन्।
हरेक वर्ष माघशुक्ल प्रतिपदाका अवसरमा विभिन्न कार्यक्रम गरी सोनाम ल्होसार पर्व मनाइन्छ। मञ्जुश्री पात्रोअनुसार आजदेखि २८५८औं वर्ष सुरु भएको छ। आजदेखि मुसा वर्ष पूरा गरी गाई वर्ष प्रवेश हुन्छ।
एसियाका अन्य कतिपय समुदायका क्यालेण्डरले जस्तै यो समुदायको क्यालेण्डरले पनि हरेक नयाँ वर्षलाई एउटा जीव जनावरको नाम दिने गरेको छ।
मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ किसिमका वर्ष हुन्छन्। तामाङ, गुरुङ,शेर्पा लगायत भाषामा ल्हो भनेको वर्ष र सार भनेको फेरिनु हो। ल्होसारका १२ वटै वर्ष पशुपक्षीको नामबाट गणना गरिएकाले प्रकृतिपूजक रहेको मानिन्छ।
२८५७ वर्ष अघि मञ्जुश्रीले पन्चशीर्ष डाँडामा बसेर ८४ हजार ग्रन्थको धर्मदेशना गरेको ऐतिहासिक दिनबाट मञ्जुश्री संवत् सुरु भएको मान्दै ल्होछार मनाउन थालिएको जनविश्वास छ।
नेपालका विभिन्न समुदायले फरक-फरक क्यालेण्डर मान्दै आएका छन्। सोनाम तथा ग्याल्बो ल्होसार, तमु ल्होसार लगायत ल्होसार पनि विभिन्न तिथिमा मनाउने गरिन्छ।
यो पनि
आज माघ १९ गते तपाईंकाे राशिफल कस्तो छ ?
सोनाम ल्होसारको शुभकामना दिंदै राष्ट्रपति, उपराष्ट्रपति र प्रधानमन्त्रीले के भने ?
Fern
References: Bonus pokies payid best payid pokies sites