चीनमा फेरि लकडाउन
चीनमा फेरि लकडाउन भएको छ । राजधानी बेइजिङनजिकैको एक क्षेत्रमा लकडाउन गरिएको छ । कोभिड संक्रमित देखिएपछि यसै साता चीनको राजधानीबाट १०० किलोमिटर दक्षिण पश्चिममा रहेको सियोंगान न्यु एरियामा अधिकारीहरूले लकडाउन घोषणा गरेका हुन् ।
करिब १२ लाख जनसंख्या भएको सो क्षेत्र चीनको नयाँ आर्थिक क्षेत्र हो । त्यहाँका बासिन्दालाई घरबाहिर निस्कन वा त्यस क्षेत्रमा प्रवेश गर्न रोक लगाइएको स्थानीय भाइरस रोकथाम कर्मचारीले एएफपीलाई बताए ।
चीनमा हालसालै गरिएका लकडाउनलाई सार्वजनिक रुपमा घोषणा र सरकारी सञ्चार माध्यमले बृहत् रिपोर्ट गरे पनि सियोंगानको प्रतिबन्ध विनासूचना लगाइएको र त्यसले त्यहाँका केही बासिन्दामा दुविधा सिर्जना गरेको प्राप्त विवरणहरूमा जनाइएको छ ।
यो पनि
पछिल्लो २४ घण्टामा थपिए १०,२५४ संक्रमित, कुन जिल्लामा कति ?
काठमाडौं उपत्यकामा जोर-बिजोर प्रणाली लागू, के गर्न पाइने के नपाइने ? [सूचीसहित]
