ललितपुरमा खोप अभाव
ललितपुर महानगरपालिकामा भेरोसेल खोपको अभाव भएको छ।
सरकारबाट भेरोसेल खोप उपलब्ध नभएका कारण माघ १४, १६ र १७ गते ६० वर्षभन्दा माथिका व्यक्तिलाई थप मात्रा खोप (बुस्टर) भेरोसेल लगाउने कार्यक्रम स्थगित गरिएको महानगरपालिकाले जनाएको छ।
‘६० वर्ष भन्दा माथिका व्यक्तिहरूलाई थप मात्रा खोप (बुस्टर) लगाउने गरी कार्यक्रम तय भई सूचना सार्वजनिक गरिएकोमा सरकारबाट भेरोसेल खोप उपलब्ध नभएका कारण बाध्यतावश् बुस्टर डोजको रुपमा भेरोसेल खोप लगाउने कार्यकम हाललाई स्थगित गरी कोभिशिल्ड खोप मात्र लगाइने व्यहोरा जानकारीका लागि अनुरोध छ,’ महानगरले जारी गरेको सूचनामा भनिएको छ।
दोस्रो मात्रा खोप लगाएको ६ महिना पुगेका ६० वर्षमाथिका व्यक्तिलाई कोभिशिल्डको बुस्टर डोज भने दिइने महानगरपालिकाले जनाएको छ।
