हाइटीमा भूकम्प : दुई सय घर ध्वस्त
दक्षिण पश्चिम हाइटीमा भूकम्प जाँदा कम्तिमा दुई जनाको मृत्यु भएको छ । ५ दशमलव ३ म्याग्निच्युडको सो भूकम्पपछि २०० घर भत्किनुका साथै केही मानिस घाते भएका छन् । भूकम्पपछि पराकम्पहरू आइरहेका छन् ।
राजधानी पोर्ट अउ प्रिन्सबाट एक सय ३० किलोमिट पश्चिममा रहेको एउटा सानो तटीय सहरमा दुई जनाको मृत्यु भएको छ । भूकम्पको केन्द्र बिन्दु रहेको निपिज जिल्लामा २०० घर ध्वस्त भएका छन भने ६०० घर तथा टहरमा क्षति पुगेको छ । भूकम्पमा घाइते ५० जनाको उद्दार गरिएको छ ।
अगस्टमा ७ दशमलव २ म्याग्निच्युडको भूकम्प जाँदा दुई हजार २०० जनाको मृत्यु भएको थियो भने हजारौं घर भत्किएका थिए । त्यस्तै, सन् २०१० मा गएको अर्को शक्तिशाली भूकम्पमा दुई लाख भन्दा बढीको मृत्यु भएको थियो ।
यो पनि
रंगशालामा भागदौड हुँदा ६ जनाको मृत्यु
अफगानिस्तानमा शक्तिशाली भूकम्प : कम्तिमा २६ जनाको मृत्यु
