चिसोबाट कसरी जोगिने ?



यतिखेर देशभर चिसो बढ्न थालेसँगै सामान्यदेखि जटिल स्वास्थ्य समस्या देखिन सक्ने भन्दै चिसोबाट बच्न जनस्वास्थ्यविद्ले सुझाव दिएका छन्। जल तथा मौसम विज्ञान विभागले देशव्यापी रूपमा अझै तीन/चार दिन मौसममा सुधार नआउने र चिसो अझै बढ्ने बताएको छ।

विगत केही सातादेखि कोरोना भाइरस संक्रमण उच्च विन्दुमा पुगेको छ। कोरोना भाइरसका लक्षणसँग मिल्दोजुल्दा स्वास्थ्य समस्या चिसो बढेसँगै बढ्ने हुँदा थप सतर्क हुन आवश्यक रहेको जनस्वास्थ्यविद्हरूको भनाइ छ।

जनस्वास्थ्यविद् डा.बाबुराम मरासिनीकाअनुसार चिसोबाट नजोगिए ज्यानै जान सक्ने खतरा हुन्छ। उनको भनाइमा नेपालमा पुसदेखि इन्फ्लुएन्जा ए र इन्फ्लुएन्जा बी फैलिने गर्छ । ‘यो पनि एकदमै कडा हुन्छ । ३०० जनामा एक जनाको मृत्यु हुन्छ’डा.मरासिनीले भने।

त्यसबाहेक चिसो मौसममा रक्तचाप र मधुमेहका बिरामीमा पनि समस्या बढ्ने र त्यसले कतिपय अवस्थामा हृदयाघात वा पक्षाघात हुने सम्भावना रहन्छ।

जोगिने उपाय

दिउँसो र बिहान-बेलुका देखिने न्यूनतम र अधिकतम तापक्रममा १५ डिग्री सेल्सीअसको अन्तर भयो भने मानिसहरूमा विभिन्न स्वास्थ्य समस्या देखिन थाल्ने जनस्वास्थ्यविद् डा.मरासिनीले बताए।

‘दिउँसो जिउ तात्ने र बिहान-बेलुका चिसो हुने हुँदा केही किसिमका भाइरस र ब्याक्टेरिया सक्रिय हुने र त्यसले खोकी लाग्ने, छाती खराब हुने र ज्वरो आउने हुन्छ,’ उनले भने।

त्यसैले धेरै चिसोमा बिहान घरबाट बाहिर ननिस्किन र न्यानो गरी बस्न उनी सुझाव दिन्छन्। तर, न्यानोका लागि घरभित्र आगो बालेर बस्दा भेन्टिलेसनको व्यवस्था नभए ढोका वा झ्याल अनिवार्य खोल्नुपर्ने उनले बताए।



Leave a Reply

Your email address will not be published.

सम्बन्धित खबरहरु

दक्ष चिकित्सक तथा अत्याधुनिक उपकरणसहित ललितपुरस्थित कुपण्डोलमा रहेको नेत्रधाम आँखा उपचार केन्द्र आँखामा देखिएका समस्या निराकरणका लागि उपचारको धाम बनेको

भारत र चीनमा कोरोनाभाइरस संक्रमण बढेपछि नेपालले संक्रमण रोकथाम तथा नियन्त्रणका लागि प्रभावकारी भूमिका बढाउन जनस्वास्थ्यको मापदण्डहरूको पालना गर्न गराउन

पेटको भित्री भाग सुन्निनु, ग्यास बढ्नु जस्ता ग्यास्ट्रिकको समस्या नेपालीको आमसमस्या हो । यस्तो समस्या भएमा पेट फुल्ने, हावा भरिएको

भारतमा कोरोना भाइरस सङ्क्रमण फेरि बढ्न थालेको विषयलाई नजिकबाट नियालिरहेको र नेपाललाई सम्भावित जोखिमबाट जोगाउनका लागि प्रतिकार्य योजना तयार पार्न

Suggested