दैनिक संक्रमणमा नयाँ रेकर्ड, एकैदिन थपिए १२,३३८ संक्रमित
नेपालमा पछिल्लो २४ घण्टामा थप १२ हजार ३ सय ३८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका २७ हजार ४८७ जनाको कोरोना परीक्षण गर्दा पीसीआर विधिबाट १० हजार ५२ तथा एन्टिजेन विधिबाट २२८६ जनामा संक्रमण पुष्टि भएको हो ।
सोही अवधिमा थप ६४९ जना संक्रमणमुक्त भएका छन् । यो सँगै देशभर सक्रिय संक्रमितको संख्या ५७ हजार ३२८ पुगेको छ । त्यस्तै, पछिल्लो २४ घण्टामा थप ४ जना कोभिड–१९ संक्रमितको मृत्यु भएको छ । नेपालमा हालसम्म ११ हजार ६३२ जना संक्रमितको मृत्यु भएको छ ।
आज काठमाडौं उपत्यकामा मात्र ६९८१ संक्रमित थपिएका छन्। काठमाडौंमा ५००१, भक्तपुरमा ८५० र ललितपुरमा ११३० संक्रमित थपिएको स्वास्थ्य तथा जनसंख्या मन्त्रालयले जनाएको छ ।
यो पनि…
बुस्टर डोजबारे भ्रम र यथार्थ !
नेपालमा एकैदिन १० हजार बढीमा संक्रमण पुष्टि, ५६२ जना निको
