सिंह र बिरालो पनि कोरोना संक्रमित
केप टाउन । दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड-१९ देखिएको छ।
कोभिड संक्रमित ती दुबै जनावारहरूमा पनि मानिसमा जस्तै लक्षण देखिएको थियो। उनीहरूलाई पनि सुख्खा खोकी लाग्ने, नाकबाट सिँगान बग्ने लक्षण देखिएको थियो। संक्रमित जनावारहरूले श्वास फेर्नसमेत कठिनाई महसुस गरेको बताइएको छ।
जनावारको रेखदेख गर्ने कर्मचारीबाट कोभिड सरेको हुनसक्ने प्रिटोरिया विश्वविद्यालयका वैज्ञानिकहरूले बताएका छन्। यसअघि मानिसबाट जनावारमा कोभिड सर्ने वैज्ञानिकहरूले बताएका थिए। भाइरस जनावारमा फैलिरहे नयाँ भेरियन्ट उत्पत्ति हुन सक्ने बताउँदै आएका छन्।
जनावारमा गरिएका परीक्षणमा कोरोना भाइरस पुष्टि भएको र उनीहरूलाई रेखदेख गर्ने मानिसबाट भाइरस सरेको हुनसक्ने जनाइएको छ।
