बस्नेतको ‘महाभारा’ सार्वजनिक, छोरीले गरिन् लोकार्पण
पत्रकार तथा लेखक वसन्त बस्नेतको नयाँ औपन्यासिक कृति ‘महाभारा’ सार्वजनिक गरिएको छ । काठमाडौंको बौद्धस्थित तारागाउँ म्युजियममा शनिबार आयोजित ‘महाभारा मेला’ विशेष कार्यक्रममा बस्नेतकी छोरी अनुदिता बस्नेतले पुस्तक लोकार्पण गरेकी हुन् ।
मेलामा पुस्तक लोकार्पण कार्यक्रमसँगै उपेन्द्र सुब्बाले किताबबारे टिप्पणी गर्दै युद्धको क्रूर समयमा हुर्केको सुन्दर प्रेम कथा नै ‘महाभारा’ रहेको बताएका छन् ।
कार्यक्रममा लेखक बस्नेतसँग पत्रकार एवं लेखक शिवानीसिंह थारूले संवादसमेत गरेकी थिइन् । लेखक बस्नेतले कोभिडका कारण शुरु भएको लकडाउनमा आफूले समय पाएको र त्यही बेला उपन्यास लेखनलाई गति दिएको बस्नेतले बताए । ‘लकडाउनले धेरैलाई कवि बनायो । मलाई उपन्यासकार,’ उनले भने ।
संवादसँगै रिदम कँडेल र लोचन रिजालले सांगीतिक प्रस्तुति दिएका थिए । प्रस्तुतिपछि कवि नवराज पराजुलीले कविता प्रस्तुत गरेका थिए ।
कार्यक्रममा प्रकाशकका तर्फबाट फाइनप्रिन्टका अजित बरालले आफ्नो धारणा राखेका थिए ।
तस्वीरहरू : मेराे लाइफस्टाइल
याे पनि
