याे सबै कुरा बिर्सेर देशका लागि खेल्ने बेला हो : पूर्वकप्तान मल्ल

जसरी पनि विश्व कपमा छनोट हुनुपर्छ


नेपाली राष्ट्रिय क्रिकेट टोलीका खेलाडी तथा पूर्वकप्तान ज्ञानेन्द्र मल्लले अब पुराना सबै कुरा बिर्सेर देशका लागि खेल्ने बताएका छन् । बन्द प्रशिक्षणका लागि आज मङ्गलबार त्रिवि मैदान कीर्तिपुर पुगेका मल्लले विगतमा जे–जस्तो भए पनि अब विश्व कपमा छनोट हुने लक्ष्य लिएर खेल्ने बताएका हुन् ।

उनले भने– ‘अब व्यक्तिगत रिसइबी त्यागेर देशका लागि खेल्ने हो, बोर्ड र खेलाडी एक ठाउँमा बस्नुपर्छ र हामीले नै क्रिकेट अघि बढाउनुपर्छ भन्ने लाग्यो । जे भयो भयो, अबको दिनमा राम्रोसँग अघि बढ्ने हो ।’ अहिले पनि क्यान र पदाधिकारीसँग सम्बन्धमा दरार आएको वा झगडा नै परेजस्तो गरी बाहिर आए पनि निकै राम्रो सम्बन्ध रहेको मल्लको भनाइ छ । आफूहरूले कुनै व्यक्ति र संस्थाको विरोध नगरि आफ्ना गुनासा राख्दा विषय लम्बिएको र विवादजस्तो देखिन पुगेको उनी बताउँछन् ।

क्यानले खेलाडीको वर्गीकरण र तलब भत्ता लगायतका विषयमा पहिल्यै आफूहरूको माग सुनेको भए यस्तो अवस्था नआउने मल्लले बताए । कप्तानबाट हटाउँदा अलिकति दुःख लागेको तर आफू सधैँभरि कप्तान हुनुपर्छ भन्ने नरहेको उनकाे भनाइ छ ।

‘कप्तानबाट हटाएको विषयमा अलिकति दुःख लाग्यो, विना कारण विषय निकालेर कप्तानबाट हटाउँदा मलाई गाह्रो भएको थियो । केही नभएका आरोप पनि लगाउँदा दुःख लाग्यो । म सधैँ कप्तान हुनुपर्छ भन्ने छैन, पहिले म कप्तान नहुँदा पनि खेलेकै थिएँ, अब पनि खेल्छु, देशका लागि खेल्छु’, मल्लले भने ।

यो पनि…
युरिक एसिड नियन्त्रण गर्ने ५ खानेकुरा

जाडोमा उच्च रक्तचापका बिरामीले ध्यान दिनुपर्ने कुराहरू



Leave a Reply

Your email address will not be published. Required fields are marked *

सम्बन्धित खबरहरु

विश्व नम्बर एक अस्लेग बार्टी वर्षको पहिलो ग्रान्डस्लाम अस्ट्रेलियन अ‍ोपनको फाइनलमा पहिलो पटक पुगेकी छन्। बिहीबार मेलबर्न पार्कमा भएको सेमिफाइनलमा

६ पटकको विजेता मनाङ मर्स्याङ्दी क्लब त्रिभुवन आर्मी फुटबल क्लबलाई पराजित गर्दै आहा-रारा गोल्डकपको फाइनलमा प्रवेश गरेको छ ।बिहीबार पोखरा

कतार विश्वकप-२०२२ अन्तर्गत एसिया छनोटको तेस्रो चरणमा आज बिहीबार ६ खेल आयोजना हुँदैछ । सातौ चरणअन्तर्गतको छनोटमा समूह ‘ए’ र

फ्रेन्चाईज नेपाल सुपर लिग (एनएसएल) को दोस्रो संस्करण चैत अन्तिम सातादेखि सुरु हुने भएको छ। नेपाल स्पोट्स एन्ड इभेन्ट म्यानेजमेन्ट

Suggested