विवाहमा डोली चढ्न लागेकी बेहुलीको रुँदारुँदै मृत्यु
विवाह एउटा पवित्र बन्धन हो । विवाह आफ्नो परम्पराअनुसार गरिन्छ । हाम्रो हिन्दू धर्मावलम्बीहरुको अनुसार विवाहमा बेहुली अन्माएपछि डोली चढाएर बिदा गरिन्छ ।
बेहुली बेहुलाको घर जाने क्रममा डोली चढ्दा धेरै रुन्छन् । एउटा यस्तै घटना भारतको ओडिशामा पनि भएको छ । विवाह सकिएपछि डोली चढाउने बेला बेहुली यति धेरै रोइन् कि, उनको मृत्यु भयो ।
भारतको ओडिशास्थित सोनपुरमा यो घटना भएको थियो । त्यहाँकी मुरली साहूकी छोरी रोजीको बलांगीर जिल्लाको टेटलगाउँ निवासी बिसीकेसनसँग विवाह हुँदै थियो । विवाहको सबै कर्म सकियो । त्यसपछि बेहुलीलाई डोली चढाउन लाग्दा उनी यति धेरै रोइन् कि उनको मृत्यु भयो ।
उनी डोली चढाउन लाग्दा बेहोस भएर जमीनमा ढलेको र मृत्यु भएको भारतीय सञ्चारमाध्यमहरुले बताएका छन् । रुने क्रममा उनलाई हृदयघात भएर मृत्यु भएको हुन सक्ने चिकित्सकले बताएका छन् ।
