हास्यकलाकार सुबोध गौतम : ‘कलेज पढ्दा साइकल ब्वाई’



ओखलढुंगाको मोलुङ गाउँपालिका–१, कुन्तादेवीस्थित सरस्वती माध्यमिक विद्यालयबाट २०६४ मा एसएलसी (एसईई) दिएँ । एसएलसी पास मात्र हुन पाए, भन्ने लाग्थ्यो । तर, पहिलो श्रेणीमा पास गरेँ । नतिजापछि प्रफुल्लित थिएँ । राम्रो नतिजा आएर सबैलाई कहाँ पढौँ, के पढौँ हुन्छ । विज्ञान वा प्राविधिक विषय प्रायः ले पढ्छन्, तर पढाइमा पैसा खर्च नगर्ने सानैदेखि सोच थियो । सस्तो र सजिलो विषय मानविकी विषयको छनोट गरेँ ।

प्रदर्शनीमार्गस्थित रत्नराज्यलक्ष्मी (आरआर) क्याम्पसमा पत्रकारिता र नेपाली विषय लिएर आईए (प्लसटु) भर्ना भएँ । क्याम्पस पढ्दा सबैको रमाइलो पल हुन्छ । तर, कलाकारितामा रुचि भएकाले साथीहरूसँग रमाइलो गरी कलेज पढ्न पाइनँ ।

अहिले जस्तो सेमेस्टर प्रणाली थिएन । वर्षेनि परीक्षा प्रणाली थियो । कक्षा नलिई परीक्षामा सहभागी हुन्थेँ । आईए र बीए पढ्दा एक दिन मात्र कक्षामा उपस्थित भएको थिए ।

त्यो दिन पकेट डायरी बोकेर कलेज गएको थिएँ । डेक्समा कपी नराखी खुट्टामै राखेर लेखेको थिएँ । सरले कलेज नआउने, आए पनि कपी, किताब नलिई आएको भनेर सुनाउनुभएको थियो । त्यो दिनदेखि क्याम्पस गइनँ । परीक्षा मात्र दिन गएँ ।

स्नातक तहमा राजनीतिशास्त्र र पत्रकारिता विषय हो । कलेज जाँदा राजनीतिमा लाग्ने डर थियो । कलेज नगए पनि परीक्षामा सहभागी हुन्थेँ । तर, स्नातक तहमा प्रयोगात्मक कार्य बनाउनुपर्ने थियो । घरमै मेहनत गरी बनाएँ ।

आईए पढ्दा तीन महिना साइकल ब्वाईको काम गरेँ । जनदिशा, गोरखापत्रको पत्रिकामा घर–घर पुर्याउथेँ।

स्नातक तहमा राजनीतिशास्त्र र पत्रकारिता विषय हो । कलेज जाँदा राजनीतिमा लाग्ने डर थियो । कलेज नगए पनि परीक्षामा सहभागी हुन्थेँ । तर, स्नातक तहमा प्रयोगात्मक कार्य बनाउनुपर्ने थियो । घरमै मेहनत गरी बनाएँ । जुनमा धेरै मेहनत गरेको थिएँ । प्रयोगात्मक कार्यको अंक पनि राम्रो आएको थियो । स्नातक अध्ययन गर्दा कलाकारितातिर पनि जमिसकेको थिएँ । समय व्यवस्थापन गर्नै समस्या पथ्र्यो ।

कलेज नगएपछि लभ पर्ने, साथीहरूसँग घुम्न जाने, रमाइलो गर्ने, कलेज बंक गर्ने जस्ता क्रियाकलाप हुने कुरै भएन । कलेजका साथी पनि सीमित र दीर्घकालीन छन् । आईए पढ्दा केदार गौतम साथी बन्नुभएको थियो । अहिले पनि उहाँसँग राम्रो सम्बन्ध छ । उहाँको सहयोगले आरआरबाटै आईए र बीएमा राम्रो (दोस्रो श्रेणी) अंकमा पास भएँ ।

पत्रकारिताबाट नै स्नातकोत्तर तह अध्ययन गर्ने सोच थियो । प्रवेश परीक्षामा पास पनि भएको थिएँ । तर, सेमेस्टर प्रणाली भएकाले समय दिन मुस्किल भएकाले भर्ना गरिनँ । त्रिभुवन विश्वविद्यालयबाट पाइभेट स्नातकोत्तर तह पढाइ सक्काएँ । यसरी क्याम्पस नगई बित्यो कलेज लाइफ ।

यो पनि…
यी हुन् उत्कृष्ट मावि, कुन कलेजमा कति छ शुल्क ?
मेलिना भन्छिन् – कलेज पढ्दा निकै सोझी थिएँ
दीपिका भन्छिन्– कलेज बंक गर्ने हिम्मत आएन



...
गायक भुपु पाण्डे भन्छन्–‘कलेज पढ्दा धेरै अस्रुग्यास खाइयो’ - Mero LifeStyle Mero LifeStyle

[…] केन्द्रित भएकाले मज्जाले कलेज लाइफको अनुभव लिन पाइनँ । कलेज लाइफमा मन […]

Leave a Reply

Your email address will not be published. Required fields are marked *

सम्बन्धित खबरहरु

रामप्रसाद खनाल । ४० को दशकका लोकदोहोरी गायक तथा पत्रकार । यतिमा मात्र उनको परिचय सीमित छैन । खनाल कुशल

काठमाडौँको व्यवसाय राम्रै चल्दै थियो । दुग्ध विकास संस्थान (डिडिसी) को डिलर लिएर काठमाडौँमा दुई वटा डेरी चलाइरहेका थिए उनले

सरुवा रोग विशेषज्ञ डा.शेरबहादुर पुन अहिले एकदमै व्यस्त रहेका छन् । कोरोनाको नयाँ–नयाँ भेरियन्ट देखिएसँगै त्यसको अध्ययन अनुसन्धानमा उनी व्यस्त

कोरोना भाइरस संक्रमणको असर नेपालमा देखिन थालेको छ। हप्ता दिनयता नेपालमा संक्रमितको संख्या डरलाग्दो रूपले उकालो लागेको छ। मंगलबार २२

Suggested