हेलमेट नलगाएको भन्दै ट्रक ड्राइभरलाई जरिवाना
हेलमेट नलगाएकोमा मोटरसाइकल चालकलाई कारबाही गरेको त तपाईले देख्नु र सुन्नु भएको नै छ ।
कतिपटक बाइक चलाउँदा हेलमेट नलगाएको भएर तपाई पनि कारबाहीको भागिदार बन्नुभएको होला । तर एक ट्रक ड्राइभरलाई हेलमेट नलगाएको भन्दै भारतीय प्रहरीले एक हजार रुपैयाँ जरिवाना गरेका छन् ।
यो कारबाही गत वर्षको २४ डिसेम्बरमा गरिएको थियो ।
यो अनौठो कारबाही गरेको ट्रक ड्राइभरले आफ्नो सवारी साधनको अनुमतिपत्र (परमिट) नविकरण गर्ने बेलामा जरिवाना गरेको थाहा पाए ।
यो यातायात विभागको लापरवाहीका कारण उक्त ड्राइभरले धेरै दुख पाएको भारतीय सञ्चारमाध्यमहरुले बताएका छन् । ट्रकका मालिकको नाम गञ्जममा जगन्नाथपुरका प्रमोद स्वैन रहेको छ ।
