कुन बैंकले कति प्रतिशत ब्याजदरमा दिन्छन् ऋण ?



घरजग्गा, सवारीसाधन खरिद तथा व्यापार व्यवसाय गर्न मानिसहरुलाई व्यक्तिगत आयस्रोतले नपुगेर ऋणको आवश्यता पर्छ । बैंक तथा वित्तिय संस्थाहरुको विकास नहुँदा केही काम गर्नका लागि चिनेजानेका व्यक्तिसँग ऋण लिने चलन थियो । तर, पछिल्लो समय बैंक तथा वित्तीय संस्थाहरुको विकास भएसँगै व्यावसायिक तथा व्यक्तिगत प्रयोजनको लागि ऋण लिने प्रचलन बढेको छ ।

गत कात्तिक १ गतेदेखि लागू हुने गरी बैंकहरूले गत असोजको तुलनामा ३० प्रतिशतसम्म ब्याजदर बढाएका थिए । ब्याजदर वृद्धिमा धेरै प्रतिस्पर्धा भएपछि राष्ट्र बैंकले अघिल्लो महिनाको तुलनामा १० प्रतिशतभन्दा धेरै ब्याजदरमा परिवर्तन गर्न नपाउने व्यवस्था ग¥यो । नेपाल राष्ट्र बैंकले जारी गरेको निर्देशनअनुसार कात्तिक ३ गते बैंकहरुले निर्देशित सिमा भित्र रहेर प्रकाशित गरेको नयाँ ब्याजदर यस्तो छ :

यस्तो छ बैंकहरुको नयाँ ब्याजदर

कृषि विकास बैंक

कृषि विकास बैंकले बचत खातामा ३.८५ प्रतिशतदेखि ५.५० प्रतिशतसम्म ब्याजदर तोकेको छ । व्यक्तिगत मुद्दतिमा ७.५० प्रतिशतसम्म ब्याजदर निर्धारण गरेको छ । २०७८ कात्तिक ३ गते बैंकको आधार दर ७.१३ प्रतिशत छ । यसमा २ प्रतिशतदेखि ५ प्रतिशतसम्म प्रिमियम थप गरेर ऋणको ब्याजदर तोकेको छ ।

नेपाल बैंक लिमिटेड

नेपाल बैंकले बचतमा ३.३६ देखि ५.१ प्रतिशतसम्म ब्याजदर तोकेको छ । मुद्दतिको अधिकतम ब्याज ८.३६ प्रतिशत कायम गरेको छ । कात्तिक ३ गते बैंकको आधार दर ५.७६ प्रतिशत छ । यसमा १.५० प्रतिशतदेखि ५ प्रतिशतसम्म प्रिमियम थप गरेर बैंकले ऋण दिन्छ । स्थिर ब्याज भने ९.३५ प्रतिशतदेखि १३.३५ प्रतिशतसम्म कायम गरेको छ ।

राष्ट्रिय वाणिज्य बैंक

राष्ट्रिय वाणिज्य बैंकले बचतमा ३.३६ देखि ५.५ प्रतिशतसम्म ब्याजदर तोकेको छ । मुद्दति निक्षेपमा व्यक्तिगततर्फ ६ देखि ८.३६ प्रतिशतसम्म व्याजदर तोकेको छ । संस्थागत मुद्दति निक्षेपमा ६ देखि ७.३६ प्रतिशतसम्म तोकेको छ । कात्तिक महिनाको आधार दर ४.२५ प्रतिशत अनुसार कर्जाको ब्याजदर निर्धारण गरेको छ । बैंकले यसमा ३ प्रतिशतसम्म प्रिमियम थप गरेर कर्जा प्रवाह गर्नेछ । स्थिर कर्जाको लागि ९ देखि ११ प्रतिशतसम्म ब्याजदर तोकेको छ ।

नबिल बैंक

नबिल बैंकले बचतमा ४.३६ देखि अधिकतम ६.३६ प्रतिशतसम्म ब्याजदर निर्धारण गरेको छ । मुद्दतिमा ८.३६ प्रतिशत छ । बैंकले सार्वजनिक गरेको नयाँ आधार दर ६ प्रतिशत रहेको छ । यसमा ७ प्रतिशतसम्म प्रिमियम थप गरेर ऋण उपलब्ध गराउनेछ ।

एनआईसी एसिया बैंक
एनआइसी एसिया बैंकले बचतमा ५ देखि ७ प्रतिशत ब्याजदर कायम गरेको छ । बैंकले सार्वजनिक गरेको ब्याजदरअनुसार मुद्धति निक्षेपमा ९.३६ प्रतिशतसम्म ब्याज पाइनेछ । बैंकको आधार दर ६.८६ प्रतिशत छ । यसमा ६ प्रतिशतसम्म ब्याज थप गरेर ऋण दिनेछ ।

बैंक अफ काठमान्डू

बैंक अफ काठमान्डूले बचतमा ४.३६ देखि ५.८६ प्रतिशतसम्म ब्याजदर तोकेको छ । मुद्दतिको अधिकतम ब्याज ९.३६ प्रतिशत कायम गरेको छ । बैंकको कात्तिकको आधार दर ७.९३ प्रतिशत रहेकोले यसमा ५ प्रतिशतसम्म ब्याज थप गरेर ऋण दिने व्यवस्था गरेको छ ।

सिटिजन्स बैंक

सिटिजन्स बैंकले बचतमा न्यूनतम ब्याज ४ देखि ५.१० प्रतिशत ब्याजदर राखेको छ । व्यक्तिगत मुद्दतिको अधिकतम ब्याज ८.८० प्रतिशत कायम गरेको छ । बैंकको कात्तिक महिनाको आधार दर ७.४६ प्रतिशत रहेको छ । यसमा ५ प्रतिशतसम्म ब्याज थप गरेर कर्जा दिइने बैंकले जनाएको छ । स्थिर कर्जाको लागि १०.५० प्रतिशतदेखि १३ प्रतिशत ब्याजदर निर्धारण गरेको जनाएको छ ।

प्राइम कमर्सियल बैंक

प्राइम कमर्सियल बैंकले बचतमा ४.७६ देखि ५.७६ प्रतिशत ब्याजदर तोकेको छ । व्यक्तिगत मुद्दतिको ब्याज ९.३६ प्रतिशत निर्धारण गरेको छ । कात्तिक महिनाको अधारदर ७.२१ प्रतिशत रहेको छ । यसमा अधिकतम ६.९९ प्रतिशतसम्म ब्याज थप गरेर कर्जा प्रवाह गर्नेछ ।

लक्ष्मी बैंक

लक्ष्मी बैंकले बचतमा ६.५ देखि ७.५ प्रतिशतसम्म ब्याज निर्धारण गरेको छ । मुद्धति निक्षेपमा व्यक्तिगततर्फ ११.५ प्रतिशत ब्याज दिनेछ । बैंकको कत्तिकको आधार दर ७.७ प्रतिशत छ । यसमा ५ प्रतिशतसम्म ब्याज थप गरेर १२.७ प्रतिशतसम्म ऋण दिन्छ ।

मेगा बैंक

मेगा बैंकले बचत खातामा ४.८६ देखि ५.८६ प्रतिशत ब्याजदर तोकेको छ । बैंकले व्यक्तिगत मुद्धति निक्षेपमा ९.३६ प्रतिशतसम्म ब्याजदर निर्धारित गरेको छ । बैंकको कात्तिक महिनामा आधार दर ६.८० प्रतिशत छ । त्यसैगरी ऋणतर्फ विभिन्न प्रकारको आधार दरमा अधिकतम ७ प्रतिशतसम्म ब्याजदर तोकेको छ ।

सिद्धार्थ बैंक

सिद्धार्थ बैंकले बचतमा ४.४५ देखि ५.४५ प्रतिशतसम्म ब्याजदर तोकेको छ । बैंकले मुद्धतिमा व्यक्तिगततर्फ ९.३६ प्रतिशतसम्म ब्याज दिनेछ । बैंकको कात्तिक महिनामा आधार दर ६.८८ प्रतिशत छ । बैंकले विभिन्न प्रकारका ऋण दिँदा आधार दरमा ५ प्रतिशतसम्म ब्याजदर थप गर्नेछ ।

प्रभु बैंक

प्रभु बैंकले बचत खातामा ४.७ देखि ५.८२ प्रतिशत ब्याजदर निर्धारण गरेको छ । मुद्धतिमा ८.७ देखि ९.७ प्रतिशतसम्म ब्याजदर तोकेको छ । बैंकको कात्तिक महिनाको आधार दर ७.५० प्रतिशत छ । यसमा ५ प्रतिशतसम्म ब्याज थपेर ऋण दिने व्यवस्था बैंकले गरेको छ । स्थिर ब्याजदरका लागि न्यनतम १०.९९ प्रतिशतदेखि ११.९९ प्रतिशतसम्म ब्याज निर्धारण गरेको छ ।

सनराईज बैंक

सनराईज बैंकले बचतमा ४.५७ प्रतिशत ब्याजदर तोकेको छ । मुद्धति निक्षेपमा व्यक्तिगततर्फ ८ प्रतिशत तोकेको छ । कात्तिक महिनामा बैंकको आधार दर ८.४० प्रतिशत छ । यसमा ६ प्रतिशतसम्म ब्याज थप गरेर बैंकले कर्जा प्रवाह गर्ने छ ।

एनएमबि बैंक

एनएमबि बैंकले बचतमा ४.९७ प्रतिशत ब्याजदर तोकेको छ । मुद्धतिमा ६.५७ प्रतिशत ब्याजदर निर्धारण गरेको छ । कात्तिक महिनाको अधारदर ७.३३ प्रतिशत रहेको छ । यसमा अधिकतम ५ प्रतिशतसम्म ब्याज थप गरेर कर्जा प्रवाह गर्ने जनाएको छ ।

ग्लोबल आइएमई बैंक

ग्लोबल आइएमई बैंकले बचत खतामा ३ प्रतिशतदेखि अधिकतम ४.५० प्रतिशतसम्म ब्याजदर निर्धारण गरेको छ । व्यक्तिगत मुद्धतिमा ९.३६ प्रतिशत ब्याजदर तोकेको छ । कात्तिक महिनाको आधार दर ७.४१ प्रतिशत छ । यसमा ६ प्रतिशतसम्म ब्याज थप गरेर ऋण दिने बैंकले जनाएको छ ।

सानिमा बैंक

सानिमा बैंकले बचत खातामा ३.५१ देखि ४ प्रतिशत ब्याजदर तोकेको छ । बैंकले मुद्धतिमा ८.५१ प्रतिशत ब्याज दिनेछ । सानिमा बैंकको कात्तिकको आधारदर ६.५३ प्रतिशत छ यसमा ७ प्रतिशतसम्म ब्याज थप गरेर बैंकले कर्जा उपलब्ध गराउनेछ ।

एभरेष्ट बैंक

एभरेष्ट बैंकले बचतमा ४.३६ देखि ४.४० प्रतिशतसम्म ब्याजदर तोकेको छ । व्यक्तिगत मुद्धतिमा ८.५० देखि ९.३६ प्रतिशत व्याजदर निर्धारण गरेको छ । एभरेष्ट बैंकको कात्तिक महिनाको आधार दर ५.९८ प्रतिशत छ जसमा ५ प्रतिशतसम्म ब्याज थप गरेर बैंकले कर्जा उपलब्ध गराउने छ ।

कुमारी बैंक

कुमारी बैंकले बचत खातामा ४.४७ प्रतिशतदेखि ६.४७ प्रतिशत ब्याजदर निर्धारण गरेको छ । त्यस्तै, व्यक्तिगत मुद्धति निक्षेपमा ८.९७ प्रतिशतदेखि ९.९७ प्रतिशतसम्म ब्याजदर तोकेको छ । बैंकको कात्तिक महिनामा आधार दर ८.०७ प्रतिशत छ । जसमा ६.५० प्रतिशतसम्म ब्याजदर थप गरेर बैकले कर्जा उपलब्ध गराउँछ । बैंकले न्यूनतम ११ प्रतिशत देखि अधिकतम ११.७५ प्रतिशतसम्ममा स्थिर कर्जा दिने योजना बनाएको छ ।

हिमालयन बैंक

हिमालयन बैंकले बचतमा ४.५६ देखि ६.५६ प्रतिशतसम्म ब्याजदर तोकेको छ । व्यक्तिगत मुद्धतिमा ९.३६ देखि ८.३६ प्रतिशत र संस्थागत निर्धारण गरेको छ । बैंकको कात्तिक महिनाको अधार दर ६.७५ प्रतिशत छ । यसमा अधिकतम ५ प्रतिशतसम्म ब्याजदर थप गरेर कर्जा प्रवाह गर्ने जनाएको छ ।

माछापुच्छ्रे बैंक

माछापुच्छ्रे बैंकले बचतमा ४.३६ देखि ५.५१ प्रतिशतसम्म निर्धारण गरेको छ । व्यक्तिगत मुद्दतिको ब्याज ९.३६ प्रतिशत र संस्थागत मुद्दतिमा निर्धारण गरेको छ । कात्तिक महिनामा बैंकको आधारदर ७.२६ प्रतिशत छ । यसमा ७ प्रतिशतसम्म ब्याजदर थप गरेर ऋण दिने जनाएको छ । बैंकले स्थिर ब्याजदरका लागि ९.८९ प्रतिशतदेखि १२.२४ प्रतिशत ब्याजदर निर्धारण गरेको छ ।

यो पनि पढ्नुहोस्
के–केमा पाइन्छ कृषि अनुदान, कसरी लिने ?
पहिलो लकडाउनकै ऋण तिरेको छैन
यस्तो छ कृषि फार्म दर्ता गर्ने प्रक्रिया
पैसा कसरी जोगाउने ?
विद्यार्थी भन्छन्, ‘ऋण होइन सरकार, रोजगार देऊ’



Leave a Reply

Your email address will not be published. Required fields are marked *

सम्बन्धित खबरहरु

नेपाल अटोमोबाइल्स डिर्लस एशोसिएसन अफ नेपाल (नाडा) को आगामी निर्वाचनका लागि अध्यक्ष पदका प्रत्यासी उम्मेदवार करण चौधरीले आफ्नो समूहका सदस्यहरुको

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै