यस्तो छ अभिनेत्री सरिता लामिछानेको फिटनेस राज



स्वस्थ रहन र आकर्षक शरीर बनाउनका लागि कतिपय मानिसहरु जिमखाना तथा व्यायामस्थल पुग्छ । अझ कलाकारहरु त्यतातिर धेरै दौडिएको देखिन्छ । तर, मुक्ति टेलिचलचत्रिबाट अभिनय यात्रा गरेकी अभिनेत्री सरिता लामिछानेको फिटनेस राज अन्य कलाकारको भन्दा भिन्दै छ । लामो समयअघि मुक्तिमा उनलाई जस्तो देखिन्थ्यो अहिले पनि उनको जीउडाल उस्तै छ ।

अन्य कलाकार जस्तो उनी फिट रहनको लागि जिम जाँदिनन् । सकारात्मक सोच नै आफ्नो सुन्दरताको राज रहेको उनी सुनाउँछिन् । ‘मुस्कान मेरो मूख्य गहना हो,’ उनी भन्छिन्, ‘भगवानले जे दिनुभयो त्यसमै सन्तुष्ट छु र आफूलाई धेरै माया गर्छु ।’

अभिनेत्री लामिछाने बिहान ६ बजेभित्र उठिसक्छिन् भने बेलुका १० बजेसम्म सुतिसक्छिन् । बिहान उठेपछि उनी टन्न पानी पिउँछिन् त्यसपछि आधादेखि १ घन्टा हिँड्छिन् । साथै, तनावलाई व्यवस्थापन गर्छिन् । कुनै कुराले तनाव दियो भने त्यसको समाधान तर्फ लाग्छिन् । सकारात्मक सोच्छिन् । जसले जीवनमा अघि बढ्न धेरै मद्धत गरेको उनी सुनाउँछिन् । ‘म सधैँ सकारात्मक सोच राख्छु, तनाव कहिल्यै लिँदिन तनाव लिएर केही हुँदैन भन्ने लाग्छ,’ उनी भन्छिन्, ‘त्यो कुरा मेरो अनुहारमा झल्किन्छ ।’

खानपान

सुन्दर बन्न र फिट रहन उनले त्यस्तो विशेष केही गरेकी छैनन् । तर, स्वस्थ रहन भने धेरै गरेकी छिन् । खानेकुरामा चिल्लो, पिरो र अमिलो निकै कम खान्छिन् । ‘खानपानमा म सौखिन छैन, चिल्लो पिरो खानु पर्छ भन्ने लाग्दैन,’ उनी भन्छिन्, ‘स्वादको लागि भन्दा पनि स्वस्थ्यको लागि खानु पर्छ भन्ने मेरो धारणा छ ।’

उनी प्रोटिन र फाइबर भएको खाना बढी मात्रामा खान्छिन् । हरियो सागपात र फलफूल प्रसस्त मात्रामा खान्छिन् भने माछामासु त्यति आशक्ति नरहेको उनी सुनाउँछिन् । ‘सोमबार र बिहिबार त झन् माछामासु खाँदै खाँदिन,’ उनी भन्छिन्, ‘ग्याष्टिक नहोस् भनेर बिहान मनतातो पानीसँग एक चम्चा ज्वानोको धुलो खाने गरेको छु ।’ उनी बासी खाना कहिल्यै खाँदिनन् । साथै, फ्रिजको खाना पनि उनलाई मन पर्दैन ।

दैनिकी

बिहान ६ बजे उठेर नुहाएर पुजापाठ सकाएर सुरुमा कागती पानी पिउँछिन् । त्यसको १० मिनेटपछि एक चम्चा ज्वानोको धुलो खाएर घरको काम गर्छिन् । साथै, आधादेखि १ घन्टा हिँड्छिन् । त्यसपछि दुध कर्नफ्लेक्स वा सातु खान्छिन् । २÷३ घन्टाको अन्तराल अर्थान् १०ः३० देखि ११ बजे भित्र बिहानको खाना खाईसक्छिन् । ‘दिउँसको समयमा सुटिङ्गमा व्यस्त भइन्छ त्यसैले सुटिङ्गमा जे उपलब्ध हुन्छ त्यही खान्छु भोको पेट बस्दिन,’ उनी भन्छिन्, ‘केही घन्टाको अन्तरालमा फलफूल खान्छु । बेलुका हल्का खानेकुरा खाएर सुत्छु ।’

व्यायाम

फिटनेसका लागि अहिलेसम्म जिमखाना नगएको उनी सुनाउँछिन् । ‘फिट रहन त्यति धेरै मेहेनत गर्दिनँ,’ उनी भन्छिन्, ‘बिहान उठेर हल्का प्राणायमहरु गर्छु ।’ व्यायाम गर्नु पर्छ भन्ने सोच चाँही छ त्यसैले २० मिनेट जति ट्रेडमिलमा हिड्ने गरेको उनी सुनाउँछिन् ।

यो पनि पढ्नुहोस् :
ज्योती भन्छिन्– ‘फ्यानले ओठमा किस गर्दा बान्ता आयो’
सोनिकाका फ्यान– सुनको सिक्री गिफ्ट दिनेदेखि झम्टेर रुनेसम्म
मेलिना भन्छिन् – कलेज पढ्दा निकै सोझी थिएँ
दीपिका भन्छिन्– कलेज बंक गर्ने हिम्मत आएन



Leave a Reply

Your email address will not be published. Required fields are marked *

सम्बन्धित खबरहरु

नेपाल साफ च्याम्पियनसिप फुटबलको इतिहासमा पहिलोपटक फाइनल प्रवेश गरेको छ । माल्दिभ्समा जारी १३ औं संस्करणको उपाधिका लागि आज (शनिबार)

पछिल्लो समय भिडियोमा खोजिनेमध्येकी एक मोडल हुन्, मलिका महत । फिल्म ’यात्रा ः द म्युजिकल भ्ल्ग’मार्फत रजतपटमा डेब्यु गरेकी मलिकाले

विजयादशमीको १०औँ दिनको अवसरमा एकैसाथ लंका दहन, रावण,मेघथान र कुम्भकरणको वध गरिएको छ । राजा जनकले मिथिला राज्यको राजधानी जनकपुरधामामा शुक्रबार

डा. विकास पौडेल, छाला, यौन रोग तथा सौन्दर्य विशेषज्ञ छाला सौन्दर्यसँग जोडिएको प्रमुख अंग हो । छालामा लाग्ने विभिन्न रोगका