काठमाडौंमा साउन २ सम्म भेरोसेल, साउन ४ बाट जोन्सन एण्ड जोन्सन, यी हुन् खोप केन्द्र



सरकारले काठमाडौंमा आज अर्थात असार २९ गतेबाट भेरोसेल खोप लगाउन सुरु गरेको छ भने साउन ४ गतेबाट अमेरिकी खोप जोन्सन एण्ड जोन्सन लगाउने तयारी गरेको छ । काठमाडौं जिल्ला प्रशासन कार्यालयमा मंगलबार बिहान बसेको बैठकले ४४ वटा खोप केन्द्र तोकेको छ । जसमा पहिलो चरण अर्थात असार २९ देखि साउन २ गतेसम्म भेरोसेल र साउन ४ देखि ६ गतेसम्म अमेरिकी जोन्सन एन्ड जोन्सन लगाउने निर्णय भएको खोप समन्वय समितिका अध्यक्ष एवं काठमाडौंका प्रमुख जिल्ला अधिकारी कालीप्रसाद पराजुलीले जानकारी दिए ।

कसलाई भेरोसेल, कसलाई जोन्सन एण्ड जोन्सन ?

स्वास्थ्य तथा जनसंख्या मन्त्रालयको असार २८ गतेको निर्णय अनुसार चिनियाँ कम्पनीले उत्पादन गरेको भेरोसेल खोप ५५ वर्ष वा सो भन्दा माथि उमेर समूहका सबै नागरिकलाई लगाइने जनाइएको छ । यस्तै, विश्वविद्यालय र विद्यालयका प्राध्यापक, शिक्षक र कर्मचारी, सार्वजनिक यातायातमा कार्यरत चालक वा सहचालकहरु, नेपाल सरकारले तोकेका अत्यावश्यक सेवामा कार्यरत खोप लगाउन छुट भएका व्यक्तिहरु, खोप अनिवार्य गरिएका देशमा जाने नागरिकले भेरोसेल खोप पाउनेछन् ।

यसैगरी, अमेरिकी सरकारले कोभ्याक्स सुविधाअन्तर्गत नेपाललाई दिएको जोन्सन एण्ड जोन्सन खोप ५० देखि ५४ वर्ष उमेरसमूहका नागरिकलाई दिइने जनाइएको छ । त्यस्तै, पूर्ण र अति अशक्त (वर्ग क र ख) भएका नागरिक, हाल नेपालमा बसोबास गरिरहेका शरणार्थी, यसअघिको अभियानमा खोप लगाउन छुट भएका स्वास्थ्य सेवामा कार्यरत स्वास्थ्यकर्मी र सरसफाईकर्मीले जोन्सन एण्ड जोन्सन खोप पाउनेछन् ।

खोप लगाउन जाँदा चाहिने कागजात

उमेरसमूहको हकमा नागरिकता प्रमाणपत्र, पासपोर्ट, सवारी चालक प्रमाणपत्र, शैक्षिक प्रमाणपत्र र सो नभएमा पालिका वा वडाबाट उमेर प्रमाणित कागजातका आधारमा खोप प्रदान गरिने मन्त्रालयले जनाएको छ । यसैगरी, विश्वविद्यालय र विद्यालयका शिक्षक, प्राध्यापक र कर्मचारीको हकमा परिचय पत्र अनिवार्य गरिएको छ । सार्वजनिक यातायातमा कार्यरत चालक तथा सहचालकहरु परिचय पत्र र सवारी साधन नम्बर सहित व्यवसायी संघबाट विवरण माग गरी प्रमुख जिल्ला अधिकारीबाट प्रमाणित सूचीका आधारमा खोप दिइने जनाइको छ ।

त्यस्तै, अत्यावश्यक सेवामा कार्यरत व्यक्तिहरुको हकमा परिचयपत्रको आधारमा खोप दिइनेछ । यस्तै, पूर्ण वा अति अशक्त अपांगता (वर्ग क र ख ) भएका नागरिकहरुको हकमा नेपाल सरकारले जारी गरेको प्रमाणपत्रका आधारमा खोप दिइने काठमाडौं जिल्ला प्रशासनद्धारा जारी विज्ञप्तीमा उल्लेख छ ।

यी हुन् खोप केन्द्र ?

काठमाडौं महानगरपालिका

– वीर अस्पताल, रत्नपार्क
– शिक्षण अस्पताल महाराजगञ्ज, महाराजगञ्ज
– निजामती कर्मचारी अस्पताल, बानेश्वर
– शुक्रराज ट्रपिकल तथा सरुवा रोग अस्पताल, टेकु
– परोपकार प्रसुती तथा स्त्री रोग अस्पताल, थापाथली
– काठमाडौं मेडिकल कलेज, सिनामंगल
– नेपाल प्रहरी अस्पताल, लाजिम्पाट
– वीरेन्द्र सैनिक अस्पताल, छाउनी
– पिपल डेन्टल तथा जनरल अस्पताल, सोह्रखुट्टे
– हिमाल अस्पताल, ज्ञानेश्वर
– ओम हस्पिटल एण्ड रिसर्च सेन्टर, चावहिल
– क्षेत्रपाटी निःशूल्क चिकित्सालय
– जनमैत्री अस्पताल,बालाजु
– मनमोहन अस्पताल, स्वयम्भु
– नेसनल अस्पताल, कलंकी
– काठमाडौं मोडेल अस्पताल, प्रदर्शनीमार्ग
– ह्याम्स हस्पिटल तथा रिसर्च सेन्टर, धुम्बाराही
– शहिद गंगालाल अस्पताल, बाँसबारी

कागेश्वरी मनोहरा नगरपालिका

– मुलपानी नगर अस्पताल
– आलापोट स्वास्थ्य चौकी
– गोठाटार स्वास्थ्य चौकी

तारकेश्वर नगरपालिका

– धर्मस्थली स्वास्थ्य चौकी
– मनमैजु स्वास्थ्य चौकी
– गोलढुंगा स्वास्थ्य चौकी

कीर्तिपुर नगरपालिका

– राष्ट्रिय आयुर्वेद तथा अनुसन्धान केन्द्र
– विष्णुदेवी अस्पताल, किर्तिपुर

बुढानिलकण्ठ नगरपालिका

– बुढानिलकण्ठ स्वास्थ्य चौकी
– करुणा अस्पताल, चुनिखेल

गोकर्णेश्वर नगरपालिका

– नेपाल मेडिकल कलेज, अत्तरखेल
– शंकरापुर अस्पताल, जोरपाटी

टोखा नगरपालिका

– ग्राण्डी अन्तर्राष्ट्रिय अस्पताल
– अल नेपाल अस्पताल, टोखा
– प्राथमिक स्वास्थ्य केन्द्र, टोखा

नागार्जुन नगरपालिका

– रामकोट प्राथमिक स्वास्थ्य चौकी, रामकोट
– इचंगुनारायण स्वास्थ्य चौकी
– स्युँचार स्वास्थ्य चौकी

चन्द्रागिरी नगरपालिका

– प्राथमिक स्वास्थ्य अस्पताल, थानकोट
– सशस्त्र प्रहरी बल अस्पताल, बलम्बु
– सतुंगल स्वास्थ्य चौकी, सतुंगल

शंखरापुर नगरपालिका

– लप्सेफेदी स्वास्थ्य चौकी
– साँखु स्वास्थ्य चौकी
– इन्द्रेणी नगर अस्पताल

दक्षिणकाली नगरपालिका

– शेषनारायण स्वास्थ्य चौकी, फर्पिङ
– प्राथमिक स्वास्थ्य केन्द्र, चाल्नाखेल

यो पनि पढ्नुहोस्–
कोभिसिल्डको पहिलो मात्रा लगाएकाले दोस्रो मात्रा भेरो सेल लगाउन मिल्छ कि मिल्दैन ?
कोभिसिल्डको दोस्रो डोज अन्योलमा, पहिलो डोज लगाएका कतिको सुरक्षित ?
अमेरिकाद्वारा नेपाललाई १५ लाख खोप सहयोग: ५० देखि ५४ वर्षकालाई लगाइने
यसरी थन्काइयो अमेरिकी खोप (फोटो फिचर)
७ वर्षमा यस्तो बन्यो गौतम बुद्ध अन्तर्राष्ट्रिय विमानस्थल (ड्रोन फोटो/भिडियो)



Leave a Reply

Your email address will not be published. Required fields are marked *

सम्बन्धित खबरहरु

प्रदेश १ मुख्यमन्त्री राजेन्द्रकुमार राईले गायिका रचना रिमाललाई वान साइड लभ गरेको बताएर आफू नेपाली गीतसंगीतलाई माया गर्ने व्यक्ति रहेको

एमाले १०औं महाधिवेशन बन्द सत्र स्थल परिसरमा भेला भएका महाधिवेशन प्रतिनिधि र नेता ।

भनिन्छ,कूटनीतिमा खानपिन तथा पहिरनले धेरै कुराको संकेत गर्छ । कूटनीति यस्तो क्षेत्र हो जहाँ लुगा लगाउने र खाना खाने,बोल्ने शैलीले

पातारासी गाउँपालिका-२ का दुई जोडीलाई सम्मान गरिएको छ । महिनाबारी  तथा रजस्वला भएका बेला घरैमा बस्ने साउनी बोहोरा उनका पति कालु बोहोरा तथा वीरे