बक्स अफिसमा कमजोर बन्दै महेश बाबुको फिल्म
यतिबेला चर्चामा छन् दक्षिण भारतीय अभिनेता महेश बाबु। उनले ‘बलिउडले मलाई धान्न सक्दैन’ भन्दै दिएको अभिव्यक्तिका कारण चर्चासँगै आलोचना खेपिरहेका छन्।
उनै अभिनेता महेश बाबुको फिल्म ‘सरकारु वारी पाटा’ गत साता बिहीबारदेखि प्रदर्शन भइरहेको छ। फिल्मले ४७ करोड ४ लाख भारतीय रुपैयाँमा शानदार ओपनिङ गरेको थियो। तर, दोस्रो दिन फिल्मको कमाइमा भारी गिरावट आएको थियो। फिल्मले दोस्रो दिनमा १७ करोड २० लाख भारु कमाएको छ।
शनिबार भने फिल्मको व्यापारमा केही सुधार आएको थियो। फिल्मले तेस्रो दिन १९ करोड २० लाख भारु कमाएको छ।
भारतीय सञ्चार माध्यमका अनुसार फिल्मले चैथो दिन २० करोड बढी कमाएको अनुमान छ। यसलाई आधार मान्ने हो भने फिल्मले आइतबारसम्म बक्स अफिसमा एक सय चार करोड २० लाख भारु जम्मा गरेको छ।
फिल्मले कमजोर व्यापार गरेसँगै यसको फाइदा ‘केजिएफ २’ लाई हुने देखिन्छ। यो फिल्मले प्रदर्शनको ३२ औँ दिनमा समेत राम्रो व्यापार गरिरहेको छ।
‘केजिएफ २’ ले दिनमा ४ करोडभन्दा बढी व्यापार गरिरहेको छ। फिल्मले भारतीय बक्स अफिसमा आठ सय ४० करोड ७२ लाख भारु कमाएको छ।
यो पनि…
‘पुष्पा २’लाई ठूलो स्केलमा बनाइँदै
नेपालसँगै भारतमा पनि एकसाथ चल्दै ‘प्रेमगन्ज’
