‘पुष्पा २’लाई ठूलो स्केलमा बनाइँदै
साउथ स्टार यश अभिनीत फिल्म ‘केजीएफ २’ले बक्सअफिसमा रेकर्डतोड सफलता हासिल गरेपछि साउथका कयौं फिल्मलाई एकपटक सोच्न बाध्य बनाएको छ । यो फिल्मको सफलताबाट प्रभावित भएर अभिनेता प्रभासको फिल्म ‘सालार’मा आवश्यक परिवर्तन गरिएको छ भने यसको असर अभिनेता अल्लू अर्जुनको फिल्म ‘पुष्पा : द राइज’को दोस्रो भागमा पनि देखिएको छ ।
अर्को वर्ष रिलिज गर्ने गरी ‘पुष्पा २’को तीव्र गतिमा काम भइरहेको थियो । तर, अब निर्देशक सुकुमारले फिल्मको स्पीडमा ब्रेक लगाएका छन् । ‘केजीएफ २’को सफलतापछि उनी फिल्मलाई ठूलो स्केलमा बनाउन जुटेका छन् । पहिलो पार्टको एक्सनभन्दा दोस्रो पार्टको एक्सन सिनमा ठूलो परिवर्तन गर्ने उनको तयारी छ । पहिला तयार पारिएको स्क्रिप्टमा पनि केही परिवर्तन गरिनेछ ।
सुकुमारले ‘पुष्पा २’ पहिला प्लान गरिएको स्केलभन्दा वृहत् निस्कियोस् भन्ने चाहेका छन् । यसैले उनले फिल्मको छायांकन समेत पछाडि धकलेका छन् । यो दौरानमा निर्देशक सुकुमारले अल्लू अर्जुनलाई नयाँ फिल्ममा काम गर्न अनुमति दिएको बताइएको छ । ‘पुष्पा’ले विश्वभर आक्रामक कमाई गरेको थियो । फिल्मले अल्लू अर्जुन र रश्मिका मन्दानाको स्टारडम उत्कर्षमा पुर्याएको छ ।
यो पनि…
मुडुली केकीसँग पुष्प
अभिनेत्री केकी अधिकारीको नजरमा पढ्नै पर्ने ३ पुस्तक
