English

मुडुली केकीसँग पुष्प



अभिनेता पुष्प खड्का र अभिनेत्री केकी अधिकारी म्यूजिक भिडियोमा रुचाइएको जोडी हो । भलै उनीहरूले हालसम्म सँगै चलचित्रमा स्क्रिन सेयर गरेका छैनन् । २ दर्जनभन्दा बढी म्यूजिक भिडियोमा अभिनय गरिसकेका केकी र पुष्प निर्देशकको नजरमा नपरेका हुन् वा कथाले नै उनीहरूको जोडीलाई नमागेको हो ? तर, मेरो लाइफस्टाइलले शुक्रबारको नियमित फोटो सुटमा भने केकी र पुष्पको जोडी बाँधेको छ ।

  • भिडियाे हेर्न माथिकाे लिंकमा जानुहाेस

‘स्वर’ चलचित्रबाट फिल्मी यात्रा सुरु गरेकी केकीले दर्जनौं चलचित्रमा अभिनय गरिसकेकी छिन् । आइ एम सरी, बितेका पल, श्री पाँच अम्बरे, भाग सानी भाग, कोहलपुर एक्स्प्रेस लगायत उनका हिट चलचित्र हुन् । कोहलपुर एक्सप्रेसबाट चलचित्र निर्माणमा होमिएकी केकीले एक महिनाअघि चलचित्र ‘बोक्सीको घर’का लागि कपाल मुन्डन गरिन् । कपाल खौरिएको उक्त तस्विर मिडियामा भाइरल भयो । हाल उनले बोक्सीको घरको छायाँकन सकिसकेकी छिन् । साथै, अभिनेत्री केकी रियालिटी सो कमेडी च्याम्पियनको निर्मातासमेत हुन् ।

म्यूजिक भिडियोबाट अभिनय यात्रा सुरु गरेका पुष्प खड्काले हालसम्म १ हजारभन्दा बढी म्यूजिक भिडियोमा अभिनय गरिसकेका छन् । ‘अझै पनि’ चलचित्रबाट सिने नगरीमा होमिएका खड्काले हालसम्म ८ वटा चलचित्रमा अभिनय गरेका छन् । दर्पण छायाँ २, मंगलम्, मारुनी, दालभात तरकारी लगायतका चलचित्रबाट उनी थप चर्चामा आए । साथै, मनसँग मन, कृष्णलीला, तिम्रो मेरो साथ लगायतका चलचित्र प्रदर्शोन्मुख छन् ।

मेकअप : ल्यासेस स्टुडियो (ज्योति लिम्बू) / पहिरन : कासा स्टायल / स्थान : होटल अकामा
तस्विरहरूः महेश प्रधान



Leave a Reply

Your email address will not be published. Required fields are marked *

सम्बन्धित खबरहरु

सहरका स्थानीय रैथाने चिनियाँ नयाँ वर्षको उमंगमा उर्लिरहेका बेला गत आइतबार हङकङेली नेपालीहरूको लामै लर्को भने युङ लङ थिएटरतर्फ सोझिएको

वि विल राइज फाउन्डेसनका संस्थापक अध्यक्ष एवं तेक्वान्दो ग्रान्ड मास्टर तुलसीकुमार गुरुङले पोखरा अन्तर्राष्ट्रिय म्याराथनका लागि नगद ५ लाख सहयोग

काठमाडौंका धीरज बस्नेत र आर्थिक बस्नेत पुरुष समलिङ्गी जोडी हुन् । उनीहरूले ६ महिनाअघि विवाह गरे । करिब डेढ वर्षको

आज भ्यालेन्टाइन डे । यस दिन प्रेमी प्रेमीकाले एकअर्कालाई उपहार दिने चलन छ । त्यो उपहारमा केवल माया छ ।