जेलेन्स्कीले गरे हैसियतका कुरा
युक्रेनी राष्ट्रपति भोलोदिमिर जेलेन्स्कीले युक्रेन शान्ति सम्झौताको एउटा अंशको रूपमा तटस्थ हैसियत कायम गर्ने विषयमा छलफल गर्न तयार रहेको बताएका छन् । तर त्यसका लागि जनमत संग्रहमा जानुपर्ने र त्यसको सुनिश्चितता तेस्रो पक्षबाट हुनुपर्ने उनको भनाइ छ ।
स्वतन्त्र रूसी पत्रकारहरूसँगको अन्तर्वार्तामा उनले सो भनाइ राखेका हुन् । अन्तर्वार्ताको समयमा उनले रूसी भाषामा सम्बोधन गरेका थिए ।
युक्रेन र रूसबीचको अर्को चरणको वार्ता यसै साता टर्कीमा हुने भएको छ । यसअघि रूस र युक्रेनबीच विभिन्न चरणमा भएका वार्ता बिनानिष्कर्ष टुंगिएका थिए ।
यसैबीच युक्रेनको सैन्य गुप्तचर निकायका प्रमुख काइरयलो बुदनोभले रूसले ‘युक्रेनमा उत्तर र दक्षिण कोरिया’ सृजना गर्न लागेको आरोप लगाएका छन् ।
यो पनि…
पुटिन रहन सक्दैनन् : बाइडेन
रूस-युक्रेन द्वन्द्व : यस्ता छन् पछिल्ला घटना
