मानव रगतबाट बनेको ‘शैतान जुत्ता’, १ मिनेटमै ६ सय ६६ वटा बिक्री
तपाईं हामी सबैले जुत्ता छाला, कपडा आदिबाट बनेको लगाउने गरेका छौं । तर मानव रगत मिश्रण गरेर बनाएको जुत्ताबारे तपाईंले सुन्नु भएको छैन होला । एमएससीएचएफ नामक जुत्ता कम्पनीले मानव रगत मिश्रण गरेर बनाएको जुत्ताको नाम ‘शैतान जुत्ता’ दिइएको भारतीय सञ्चारमाध्यमले जनाएको छ ।
समाचारका अनुसार यस जुत्तालाई बेच्न र्यापर लिल एक्सले सहकार्य गरेका थिए । उनको सहकार्यमा १ मिनेटमा ६ सय ६६ वटा जुत्ता बिक्री भएको थियो ।
यो जुत्ता अत्याधिक बिक्री भएपछि नाइके कम्पनीको एयर मेक्स ९७ एस मोडेलको जुत्तालाई परिमार्जन गरी ‘शैतान जुत्ता’ नाम दिएर बिक्री गरेको दाबी गरेको जनाएको छ । नाइकेले आफ्नो मोडल परिमार्जन गरी बिक्री गर्दा अनुमति नलिएको आरोप लगाउँदै एमएससीएचएफमाथि मुद्धा दायर गरेको छ । मुद्धा दायर भएपछि र्यापर एक्सले नाइके कम्पनीसंग माफी माग्दै आफ्नो बचाउ गरेको जनाएको छ ।
