युक्रेनको मारिओपलमा १ लाख मानिस बिचल्लीमा
युक्रेनका राष्ट्रपति भोलोदिमिर जेलेन्स्कीले रूसी बम हमला र गोलाबारीबीच दक्षिणी बन्दरगाह शहरमा करिब १ लाख युक्रेनी बिचल्लीमा परेको बताएका छन् ।
‘आजसम्म मारिओपलमा करीब १ लाख मानिस अमानवीय अवस्थामा छन् । उनीहरूलाई खाना, पानी र औषधि छैन । त्यहाँ निरन्तर गोलाबारी र बम हमला भइरहेको छ’, राष्ट्रपतिले भने ।
त्यहाँ मानवीय कोरिडोरमार्फत नागरिकहरूलाई उद्धार गर्ने प्रयासहरू रूसी गोलाबारी र ‘योजनाबद्ध आतंक’का कारण अवरोध भएको उनले बताए ।
एउटा मानवीय कोरिडोर रूसले नियन्त्रणमा लिएको जानाकारी दिँदै जेलेन्स्कीले सरकारी कर्मचारी र उनीहरूका बस चालकलाई रूसी सेनाले बन्धक पारेको आरोप लगाए ।
जेलेन्स्कीले अगाडि भने, ‘सम्पूर्ण कठिनाइका बाबजुद मारिओपोलका ७ हजार २६ जनको मंगलबार शहरबाट उद्धार गरिएको छ ।
यसैबीच, पछिल्लो दुई सातामा युक्रेनले १ लाख टन मानवीय सहयोग प्राप्त गरेको उनले बताए । जेलेन्सकीले क्रिश्चियन धर्मगुरु पोप फ्रान्सिसलाई युक्रेनको भ्रमण गर्न गरेकोसमेत जानाकारी दिएका छन् ।
यो पनि…
रूस–युक्रेन द्वन्द्व : यी हुन् पछिल्ला घटना
यी हुन् पुटिनका माग
रूस–युक्रेन द्वन्द्व : वार्ता विफल भए के हुन्छ ?
