मन्त्रीद्वारा श्रीमतीसँग नसुत्न सुझाव
मलेसियाकी एक महिला मन्त्रीले ‘जिद्दी’ श्रीमतीलाई उनीहरूको अशिष्ट व्यवहारको लागि अनुशासन दिन ‘नम्रतापूर्वक’ कुट्ने सल्लाह दिएपछि आक्रोश बढेको छ । महिला, परिवार तथा समुदाय विकास उपमन्त्री सिती जैलाह मोहद युसोफमाथि पुरुषहरूलाई पत्नीलाई कुट्न उकासेर घरेलु हिंसालाई सामान्यीकरण गरेको आरोप लागेको छ ।
इन्स्टाग्राममा पोस्ट गरिएको दुई मिनेट लामो एउटा भिडियोमा उपमन्त्रीले शुरुमा श्रीमानहरूलाई आफ्ना ‘घमन्डी’ श्रीमतीलाई उनीहरूसँग बोलेर नै ‘अनुशासित’ गराउन सुझाव दिएकी छिन् ।
श्रीमतीले स्वभाव परिवर्तन नगरे उनीहरूसँग तीन दिन अलग सुत्न पनि उपमन्त्रीले सुझाव दिएकी छिन् । ‘अझै पनि पत्नीले सुझाव अस्वीकार गरे आफ्नो कठोरता देखाउन र उनलाई परिवर्तन गर्न श्रीमानहरूले उनीहरूलाई विस्तारै थप्पड हानेर शारीरिक स्पर्शको प्रयास गर्न सक्छन्,’ ‘मोदरर्स टिप्स’ नाम दिइएको सो सुझावमा मन्त्रीले भनेकी छिन् ।
आफ्ना श्रीमानहरू शान्त हुँदा खाना खाइसकेपछि र प्रार्थना गरिसकेपछि उनीहरूसँग कुरा गर्नुहोस् ।’ सिति जैलाहले भनिन्, ‘बोल्नुभन्दा अगाडि पहिले अनुमति लिनुहोस् ।
पान–मलेशियन इस्लामिक पार्टीको सांसदसमेत रहेकी उपमन्त्रीले महिलालाई आफ्ना पाटनरको मन जित्न पतिसँग मात्र बोल्न आग्रह गरेकी छिन् । ‘आफ्ना श्रीमानहरू शान्त हुँदा खाना खाइसकेपछि र प्रार्थना गरिसकेपछि उनीहरूसँग कुरा गर्नुहोस् ।’ सिति जैलाहले भनिन्, ‘बोल्नुभन्दा अगाडि पहिले अनुमति लिनुहोस् ।’
महिला अधिकार समूहहरूको गठबन्धन र लैंगिक समानताका लागि संयुक्त कार्यले सितीले घरेलु हिंसालाई पश्रयले दिएको आरोप लगाउँदै पदबाट राजीनामा दिन माग गरेका छन् ।
‘मलेसियामा अपराध मानिने घरेलु हिंसालाई सामान्यीकरण गर्ने र लैंगिक समानताविरोधी विचारलाई निरन्तरता दिने उपमन्त्रीले राजीनामा दिनुपर्छ ।,’ गठबन्धन र लैंगिक समानताका लागि संयुक्त कार्यले जारी गरेको विज्ञप्तिमा भनिएको छ ।
सन् २०२० देखि सन् २०२१ को अवधिमा घरेलु हिंसाबारे ९ हजार १५ ओटा उजुरी प्रहरीमा परेको थियो । घरेलु हिंसाबारे बोल्दा प्रायः कलंक र डर जोडिएको हुन्छ र यसलाई सिति जैलाह जस्ताको कथनहरूले अझै खराब बनाएको छ,’ विज्ञप्तिमा भनिएको छ ।
यो पनि…
प्रदर्शनपछि क्यानडामा आपतकाल घोषणा
आक्रमणको झुटो भिडियो बनाएर रसियाले युक्रेन अतिक्रमणको प्रयास गर्यो : अमेरिका
