बढे निको हुनेको संख्या
नेपालमा थप १ हजार ५ सय ७० जनामा कोरोना संक्रमण पुष्टि भएको छ भने ६ हजार १ सय ४६ जना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ११ हजार ३ सय ६५ नमूना परीक्षण गर्दा सो संख्यामा संक्रमण पुष्टि भएको हो ।
यसैगरी, पछिल्लो २४ घन्टामा थप १३ जना कोरोना सङ्क्रमितको मृत्यु भएको छ । यो सँगै नेपालमा कोरोना संक्रमणका कारण ज्यान गुमाउनेको संख्या ११ हजार ८ सय २७ पुगेको छ ।
नेपालमा हाल ४० हजार १ सय ११ सक्रिय संक्रमित रहेको मन्त्रालयले जनाएको छ । जसमा ३८ हजार ८ सय ८३ जना संक्रमित होम आइसोलेसन र १ हजार २ सय २८ जना संस्थागत आइसोलेसनमा रहेको मन्त्रालयले जनाएको छ । त्यस्तै, २ सय ५५ संक्रमितको आईसीयु र ४२ जनाको भेन्टिलेटरमा उपचार भइरहेको छ ।
यो पनि…
कत्तिको खतरनाक छ ओमिक्रोन ? यस्ता हुन्छन् लक्षण
काठमाडौंमा कोरोना बुस्टर डोज, कहाँ–कहाँ छ खोप केन्द्र ?
