अनौठो हिमपातले रुसमा समस्या
जाडोयाममा विभिन्न ठाउँमा सेताम्मे हिउँ परेको देखिन्छ । धेरैले हिउँ परेको प्रत्यक्ष भोगेका पनि छन् । तर, के तपाईंले कालो हिमपात परेको पढ्नुभएको वा सुन्नुभएको छ ? सुन्दा तपाईंलाई अनौठो लाग्न सक्छ, तर रुसमा पर्ने कालो हिमपात त्यहाँका मानिसका लागि समस्या बनेको छ ।
रुसको साइ्बेरियाबाट हिउँको कालो तस्वीर सार्वजनिक भएको छ । साइबेरियाको एक गाउँमा कालो हिमपात भइरहेको छ । जसका कारण ती ठाउँका मानिसहरू चिन्तित छन् । उनीहरू कालो हिमपातसँगै प्रदूषणको मारमा परेको स्थानीयले बताएका छन् ।
यसकारण कालो हिमपात
साइबेरियाको यस क्षेत्रमा कालो हिमपात पर्नुको कारण कोइलाबाट हुने प्रदूषण हो । जनतालाई तातो खुवाउन कोइला जलाउने तातो पानी प्लान्ट छ । जसको धुलोका कारण प्रदूषण बढेको छ । एक व्यक्तिले त्यहाँको भिडियो सेयर गर्दै भनेका छन्, ‘हाम्रा बालबालिकाहरू कालो हिउँमा खेल्न बाध्य भएका छन् ।’
सोभियत संघको अन्त्य भए पनि यहाँ केही परिवर्तन नभएको स्थानीय जनता बताउँछन् । यहाँको अवस्था पहिलेको जस्तै छ ओमसुक्चन र सेमचनमा कोइला बाट चल्ने तातोपानी प्लान्टका कारण कालो हिमपात भएको अधिकारीहरूले बताएका छन् । यहाँ सुन र कोइला खानी छ ।
यसकारण समस्या बढ्दै
साइबेरियाको यस क्षेत्रमा जनवरी महिनामा तापक्रम –५० डिग्रीभन्दा तल पुगेको थियो । जसका कारण यहाँ ठूलो मात्रामा कोइला जलाउनुपरेको थियो । तर, गर्मी प्लान्टहरूमा धुवाँ संकलन गर्ने उपकरणले राम्ररी काम नगरेका कारण यहाँका जनता प्रदूषणको सिकार भइरहेका छन् ।
यो पनि…
बेहुलाले मण्डपमै थप्पड हानेपछि बेहुलीले गरिन् देवरसँग विवाह
भारतमै पहिलो ‘मेटाभर्स’ विवाह
