७३ अंकले नेप्से बढ्दा ७ अर्बको कारोबार,
आइतबार सेयर बजार परिसूचक नेप्सेमा अधिकतम् ७३ अंक बढीको उछाल आएको छ । नेपाल स्टक एक्सचेन्जका अनुसार आज नेप्से सूचक ७३.०५ अंकले बढेर २७ सय ६५.५१ अंकमा उक्लिएको हो । यस बढी ‘क’ वर्गको सेन्सेटिभ इन्डेक्स समेत अधिकतम् १३.२१ अंकले बढेर ५१९.३७ विन्दुमा पुगेको छ । यस्तै, ७ अर्ब १० करोड १८ लाख रुपैयाँ माथिको कारोबार भएको छ ।
साताको पहिलो कारोबार दिनसमेत रहेको आज सबै उपसूचक धनात्मक (पोजेटिभ) हुँदै बजार नै हरियाली बनेको छ । यस दिन ट्रेडिङ (व्यापार) समूहको उपसूचक अधिकतम् ६.०८ प्रतिशतले बढेको छ भने, विकास बैंक समूहको ५.४९ प्रतिशतले, फाइनान्स ५.१६ प्रतिशतले, हाइड्रोपावर ४.४९ प्रतिशतले र निर्जीवन बीमा समूह ३.१३ प्रतिशतले वृद्धि भएको छ ।
आज दुईवटा कम्पनीको सेयर मूल्यमा सकारात्मक सर्किट लागेको छ भने एक दर्जनभन्दा बढी कम्पनीहरूको मूल्यमा ८ प्रतिशत माथिको वृद्धि भएको छ ।
यो पनि
वाणिज्य बैंकहरूमा १४ अर्ब निक्षेप थपियो, सिडी रेसियोमा सुधार
यस्तो छ, आजको विनिमय दर
