माओवादी महाधिवेशनमा सबै दललाई निम्तो
नेकपा माओवादी केन्द्रको आठौं महाधिवेशन उद्घाटन सत्रमा अन्य दलका नेतालाई पनि आमन्त्रण गरिएको छ। आइतबारबाट सुरू भएको उद्घाटन सत्रकाे सुरूमा पार्टीको विचार र नीतिमाथि छलफल गर्ने राष्ट्रिय सम्मेलन भएकाले कुनै पनि दललाई नबोलाउने बताए पनि पछि राष्ट्रिय सम्मेलन परिवर्तन भई महाधिवेशन भएपछि अन्य दललाई निम्तो गरिएको महराले जानकारी दिए।
महाधिवेशनमा नेपाली कांग्रेस, नेकपा एमाले, जसपा, नेकपा एकीकृत समाजवादी, राष्ट्रिय जनमोर्चा, नेमकिपा, नेकपा माले, राप्रपालगायतका दलहरूलाई निमन्त्रणा गरिएको महराले बताए।
महाधिवेशनमा रूपान्तरणसँगै थप आवश्यक तयारी गर्नुपर्ने भएकाले उद्घाटन सत्र दुई घण्टा पछाडि सार्नुपरेको माओवादीले जनाएको छ।
