शरीरको तौल घटाउन सेवन गर्नुहोस् यी ८ स्वस्थ खानेकुरा

यदि तपाईँ तौल घटाउन चाहनु हुन्छ भने, तपाईँको खाना यस्ता स्वास्थ्यकर खानेकुराहरू समावेश गर्नुहोस्, जसले तपाईँलाई तौल घटाउन मद्दत गर्दछ। 

१. उमालेको आलु:
यदि तपाईँ तौल घटाउँदै हुनुहुन्छ भने, आफ्नो खानामा उमालेको आलु समावेश गर्नुहोस्। यसमा बिटा क्यारोटिन र फाइबर प्रचुर मात्रामा हुन्छ र यसलाई उमालेर खाँदा लामो समयसम्म भोक लाग्दैन।

२. टुसा उम्रिएको तरकारी सलादः 
यसमा पौष्टिक सलाद प्रोटिन, फाइबर, भिटामिन र खनिज पर्याप्त मात्रामा पाइन्छ। यो खाँदा लामो समयसम्म पेट भरिपूर्ण रहन्छ र खाएपछि सन्तुष्टिको अनुभूति हुन्छ ।

३. ड्राइ फ्रुट्सः 
काजू,बदाम, ओखर,अङ्गुर,किसमिस खाँदा भोक मेटाउँछ र चाँडै भोक पनि लाग्दैन। मिक्स नटले तौल घटाउँदा शरीरलाई पोषक तत्त्व प्रदान गर्छ।

४. अण्डाको सेतो भाग:
अण्डाको सेतो भागमा प्रोटिनको मात्रा धेरै हुन्छ । तौल घटाउँदा २–३ वटा अण्डाको सेतो भाग खाँदा लामो समयसम्म पेट भरिन्छ । यसलाई कुनै पनि समयमा खाजाको रूपमा खान सकिन्छ।

५. दही:
दही राम्रो प्रोबायोटिक भएकाले यसले पेटसँग सम्बन्धित सबै रोगलाई हटाउन मद्दत गर्छ । क्याल्सियम र प्रोटिन युक्त कम फ्याट दहीले तौल घटाउन मद्दत गर्छ, त्यसैले यसलाई खानामा समावेश गर्नुहोस्।

६.मिश्रित बीउको सेवन:
खरबुजा, कालो र सेतो तिल, सूर्यमुखीको बीउ स्वस्थ खाने कुरा हो। यसमा फाइबर, भिटामिन ई, फ्याटी एसिड, म्याग्नेसियम र जिङ्क हुन्छ, जसले भोक कम गर्छ।

७. भुटेको चना:
 प्रोटिन र फाइबरको प्रमुख स्रोत हुनुका साथै यसमा कार्बोहाइड्रेट कम हुन्छ, त्यसैले यसलाई स्वास्थ्यकर खाजाको रूपमा खान सकिन्छ। यो तौल कम गर्नको लागि उत्तम विकल्प हो। यसले भोक मात्र हटाउँदैन, खाना खाएपछि लामो समयसम्म पेट भरी रहन्छ ।

८. बदाम:
 बदामलाई खाजाको रूपमा पनि खान सकिन्छ, यसमा पोटासियम, कपर, क्याल्सियम, आइरन र सेलेनियम प्रचुर मात्रामा पाइन्छ। तपाईँ यसलाई बेलुका वा बिहान कुनै पनि समयमा खान सक्नुहुन्छ।

छुटाउनु भयो कि ?
कुन उमेरसमूहका मानिसले कति घन्टा सुत्ने ?
मोटोपना घटाउन के खाने के नखाने ?