English

सधैं व्यस्त रहने कलाकार निषेधाज्ञामा के गर्दैछन् ?



कोरोना भाइरसको संक्रमण तीव्र गतिमा फैलिएसँगै यतिबेला देश बन्दाबन्दीको अवस्थामा छ । सामान्य नागरिकदेखि सेलिव्रेटी छवि बनाएका व्यक्तिहरु घरभित्रै छन् । निषेधाज्ञा कहिलेसम्म लम्बिने हो, एकिन छैन । पहिलो चरणको लकडाउन सकिएसँगै विस्तारै लयमा फर्किन थालेको कलाकारिता क्षेत्र फेरि थला परेको छ । मनोरञ्जन क्षेत्रका कलाकर्मीलाई पनि निषेधाज्ञाले असर परेको छ । घरमै निषेधाज्ञाको पालना गरेर बसेका केही कलाकरहरुले निषेधाज्ञाको समयमा कसरी दिन बिताइरहेका छन् भन्ने विषयमा यहाँ चर्चा गरेका छौ:

दीपाश्री निरौला, अभिनेत्री

सामाजिक सञ्जालमा धेरै नकारात्मक कुराहरु देखिन्छ । कोरोना संक्रमणले गर्दा यति जनाको मृत्यु यति जना संक्रमित जस्ता समाचारहरुले आक्रान्त बनाएको छ । यस्तो नकारात्मक कुराहरु भन्दा राम्रा–राम्रा चलचित्रहरु, प्रेरणादायी अन्तर्वार्ताहरु हेरेर समय बिताइरहेको छु ।
उठेर नित्य कर्म र व्यायाम गरेर बिहानको समय बित्छ । त्यसपछि खाना खाएर राम्रा राम्रा चलचित्रहरु खोजेर हेर्छु । चलचित्रहरु मात्र होइन राम्रो सकारात्मक सन्देश दिने अन्य अन्तर्वार्ता र अन्य प्रेरणादायी कुराहरु पनि खोजेर पढ्छु । साँझको समयमा कौशी तथा घरवरपर हिँडडुल गर्छु यसरी नै समय बितिरहेको छ । अहिलेको समयमा विश्व नै कोरोनाले त्रसित छ त्यसैले सबैले घरमै बसेर नियमको पालना गर्नुपर्छ मैले पनि पालना गरिरहेको छु ।

सुस्मा कार्की, अभिनेत्री

निषेधाज्ञाको पालना गरेर घरमै बसेकी छु । नेपाली , हिन्दी चलचित्र हेरेर, गीतहरु सुनेर, नयाँ–नयाँ परिकार बनाएर खाएर समय बिताइरहेको छु । संक्रमणदेखि धेरै डराएको छैन सुरक्षित भएर बसेको छु । बिहान उठेर व्यायाम योगाहरु गर्छु, बिहान बेलुका घर वरपर भए पनि हिँड्डुल गर्छु ।
म पुस्तक प्रेमी पनि भएकाले पुस्तकहरु प्नि पढिरहेको छु । यो निषेधाज्ञामा मैले गरुण पुराण पढें । यो गरुण पुराण घरमा राख्न हुँदैन, छोरी मान्छेले पढ्न हुँदैन भनिन्छ । मृतकको घरमा मात्र यो किताब पढिन्छ पण्डितले ल्याएर पढेर फेरि फिर्ता लग्ने चलन हुन्छ । तर, यस पुस्तकमा भएको ३, ४ वटा अध्याय पुरेतहरुले पढ्न छुटाउँदा रहेछन् । मानिस जिवित हुँदा नै उसको सेवा गर्नु पर्छ मृत्यु पछि दिइएको कुराहरु उसले केही पनि पाउँदैन भनिएको छ । तर, यी कुराहरु पण्डितहरुले पढेर सुनाउँदा रहेनछन् ।

मलाई फूल अनि बगैंचामा डुल्न एकदम मन पर्छ । त्यसैले बिहान बेलुका फूलहरुमा पानी हालेर बगैँचामा डुलेर पनि समय बिताइरहेको छु । घरमै बस्ने अत्यावश्यक नभइ घर बाहिर निस्किएको छैन । साथै, स्वास्थ्य
मापडदण्ड अपनाउने र मनोबल उच्च बनाउन सबैलाई सुझाव दिन्छु ।

पुष्प खड्का, अभिनेता

म त ४ दिन अघि घर कैलाली आएको छु । परिवारसँग समय बिताइरहेको छु । अरुबेला सुटिङमा व्यस्त भइन्थ्यो, परिवारसँग समय बिताउने मौका कमै मात्र मिल्थ्यो त्यसैले परिवारसँग समय बिताउन पाउँदा बेग्लै अनुभूति भइरहेको छ । काठमाडौंमा बस्दा समय बिताउन साह्रै गाह्रो भएको थियो तर, यहाँ त कतिबेला दिन बित्छ पत्तै हुँदैन ।

काठमाडौंमा एक्लै कोठामा बस्दा एकखालको एन्जाइटी जस्तो पनि फिल हुन थालिसकेको थियो । किताबहरु पढेर, फिल्महरु हेरेर समय बिताइरहेको थिएँ तर पछि ती कुराहरु गरेर पनि समय बिताउन गाह्रो हुन थाल्यो त्यसैले घर फर्किएँ ।
मेरो नजिकका केही साथीहरुलाई कोरोना संक्रमण देखिएकाले पनि कन्ट्याक ट्रेसिङमा परें । त्यतिबेला केही दिन आइसोलेट पनि भएको थिएँ ।

अञ्जली अधिकारी, मोडल

अहिले सुटिङ छैन घरमै निषेधाज्ञाको पालना गरेर बसेकी छु । बिहान उठेर व्यायाम गर्छु, किताब पढ्छु, परिवारसँग रमाइलो गर्दै समय बिताउँछु । सधैँ काममा व्यस्त भइन्थ्यो अहिले घरपरिवारसँग समय बिताउन पाएको छु । तर, व्यस्त भइरहने भएर पनि होला समय कटाउन अलि गाह्रो त भइरहेको छ । फेरि, यस्तो महामारीको बेलामा घरभित्र बस्नुको विकल्प पनि छैन । सबै जना घरमा सुरक्षित बस्यौ भने यो कालबाट उम्किन्छौं ।

नाजिर हुसेन, अभिनेता

घरमै परिवारसँगै समय बिताइरहेको छु । त्यस्तो विशेष त केही गरेको छैन । सधै सुटिङमा व्यस्त हुने भएकोले अहिले घरमा बस्दा अलि समय कटाउन गाह्रो परेको छ । दिदी भिनाजु तथा भान्जीसँगै समय बितिरहेको छ । कोरोना संक्रमण बढीरहेको छ यस्तो अवस्थामा घरमै बसेर सरकारको नियम पालना गरेर सुरक्षित छु । सबैजनालाई घरमै बसेर सरकारको नियम पालना गर्न अनुरोध पनि गर्दछु ।

दुर्गेश थापा, मोडल

अहिलेको निषेधाज्ञामा म म्युजिक एरेन्जिङ सिकिरहेको छु । तीजको लागि गीतहरुको कम्पोजिसन गरिरहेको छु । साथै, परिवारसँग पनि समय बिताईरहेको छु । निषेधाज्ञाले गर्दा छोरोसँग धेरै समय बिताउन पाएको छु । निषेधाज्ञाले गर्दा सबैजना घरमै छौं । समय प्रसस्त छ यस्तो बेलामा इन्टरनेटको सदुपयोग गरेर विभिन्न रचानात्मक कुराहरु सिकेर पनि समय बिताउन सकिन्छ मैले पनि घरमा बसेर धेरै नयाँ कुराहरु सिकेको छु ।

सलोन बस्नेत, अभिनेता

अहिले त घर परिवारहरुसँगै समय बितिरहेको छ । घरमा बस्दा बस्दा अल्छि त लागिरहेको छ तर, अल्छि मानेर पनि त भएन संक्रमणबाट बच्न घरमा बस्नै प-यो । चलचित्रहरु हेरेर र अनलाईन गेमहरु खेलेर प्राय समय बिताइरहेको छु । यसका अलवा बिहान उठेर घरमै व्यायाम गर्छु । घरवरपर हिँडडुल पनि गर्छु । फिल्महरु हेर्न मन पर्ने भएको हुनाले मैले धेरै फिल्महरु हेरेँ । पुरानो नेपाली फिल्म लाहुरे पनि यही निषेधाज्ञामा हेर्ने मौका पाएँ ।

एलिजा गौतम, मोडल

घरमा साना बच्चाहरु भएकाले समय बितेको पत्तै हुँदैन । अरु बेला सुटिङमा व्यस्त हुने भएकोले बच्चाहरुसँग राम्ररी समय बिताउन पाइदैन थियो त्यसैले अहिले उनीहरुसँगै धेरै समय बिताइरहेको छु ।

बिहान उठेर उनीहरुसँगै व्यायाम गर्छु । नानुको अनलाईन क्लास भइरहेको छ त्यसैले उसलाई २ देखि ३ घण्टा पढाउँछु । त्यसपछि खाना बनायो खायो अनि उनीहरुसँगै खेल्यो यसरी नै समय बितिरहेको छु ।

क्यानडाबाट आमा आउनुभएको छ । निषेधाज्ञाले गर्दा उहाँसँग पनि समय बिताउन पाएको छु । ऋषी जी त आफ्नै काममा व्यस्त हुनुहुन्छ, उहाँको काम नै त्यस्तै छ । घरमा साना बालबालिका र बुढाबुढी भएकाले उहाँ छुटै आइसोलेसनमा बस्नु भएको छ ।

यो पनि पढ्नुहोस्
कोरोना संक्रमणबाट बच्न चाहनुहुन्छ भने छोड्नुस् यी बानी
‘विद्युतीय सवारीसाधन प्रतिस्थापन गर्न सकिन्छ तर कार्यान्वयनकै डर छ’
विद्यार्थी भन्छन्, ‘ऋण होइन सरकार, रोजगार देऊ’
निःशुल्क खाद्यान्न : भोकै भए खबर गरौँ !
यी योग अभ्यास गर्नुस्, शरीरमा पुग्छ पर्याप्त अक्सिजन

के-के कुरामा बढ्यो बजेट ?



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,