कोरोना संक्रमणबाट बच्न चाहनुहुन्छ भने छोड्नुस् यी बानी
दिनप्रतिदिन तीव्र गतिमा फैलिएको कोरोना संक्रमणलाई नियन्त्रण गर्न सरकारले निषेधाज्ञा जारी गरेको छ । तैपनि उल्लेख्य मात्रामा संक्रमण नियन्त्रण हुन सकेको भने छैन । मानिसका आफ्नै आनीबानी र आचरणका कारण संक्रमण फैलिनलाई बल पुगिरहेको छ ।
त्यसैले यसलाई नियन्त्रणमा लिनका लागि सामान्य बानीव्यवहारमा परिवर्तन ल्याउन आवश्यक छ । त्यसो त संक्रमणबाट जोगिन छोड्नै पर्ने ७ बानीबारे शुक्रराज ट्रपिकल तथा सरुवा रोग अस्पताल, टेकुका सरुवा रोग विशेषज्ञ डा. शेरबहादुर पुनको सुझाव यस्तो छ :
– बारम्बार हातले नाक र मुख चलाउने
– हातले मास्क चलाइरहने
– एक्लै हुँदा मास्क लगाउने तर साथीभाइसँग कुरा गर्दा मास्क खोलर बोल्ने
– तरकारी, खाद्यान्न र भीडभाड हुने ठाउँमा लाइन बस्दा मास्क, पञ्जा र सामाजिक दूरी कायम गरे पनि बोल्ने समयमा मास्क खोल्ने ।
– कोरोना संक्रमितसँगको सम्पर्कमा आएका र लक्षण देखिएका व्यक्तिले ‘यो केही पनि होइन’ भनेर हेलचेक्राइँ गर्ने ।
– बाहिरी अफवाह कुरामा ध्यान दिने, सत्य कुरा बुझ्न नचाहने ।
– मास्क चिउँडोमा लगाएर, हात वा गोजीमा बोकेर हिड्ने र सुरक्षाकर्मीलाई देखेपछि मात्र लगाउने ।
माथिका यी बानीलाई हामीले सुधार गर्यौं भने पक्कै पनि संक्रमणबाट बच्न सक्छौं ।
