यसरी बनाउनुस खाप्से ।

खाप्से तामाङ र शेर्पा समुदायको परम्परागत परिकार हो । यो मैदाबाट तयार गरिन्छ । खाप्से राम्ररी प्याकिङ गरेर राखेमा एक महिनासम्म चिया र दुधसँग खान सकिन्छ । अहिले बन्दाबन्दीका कारण पसलहरु बन्द छन् । त्यसैले घरमै खाप्से बनाएर खान सकिन्छ ।

आवश्यक सामग्री

– ३ कप मैदाको पिठो
– घ्यु ३ देखि ५ चम्चा
– आधा कप मन तातो पानी
– आधा कप दुध
– आवश्यक अनुसार तेल
– भाडा, चौकी र बेल्ना

बनाउने विधि

– भाडामा तीन कप मैदा लिनुहोस् ।
– मैदामा घ्यु राख्नुहोस र राम्रोसँग मोल्नुहोस् ।
– मोलिसके पछि फेरि दुध राखेर राम्ररी मोल्नुहोस् ।
– मैदामा घ्यु र दुध मोलिसकेपछि मनतातो पानी राखेर मज्जाले मिच्नुहोस् ।
– पिठो तयार भैसकेपछि २० देखि ३० मिनेट छोपेर राख्नुहोस् ।
– रोटी बेलेको जस्तै बेल्नुहोस् ।
– बेलेको रोटीलाई इच्छा अनुसारको आकार र डिजाइन बनाउनुहोस् ।
– तयार भएको खापसेलाई तेलमा तार्नुहोस् ।
– खैरो रंग नहुुँदासम्म पकाउनुहोस् ।
– खापसे तयार भयो ।
– यसरी तयार भएको खापसेलाई एक महिनासम्म खान सकिन्छ ।