English

एनएमएको लक्ष्य : राष्ट्रिय पहिचानलाई विश्वव्यापीकरण गर्ने



नेप्लिज मार्केटिङ एसोसिएसन (एनएमए) ले क्षेत्रीय मार्केटिङ सम्मेलन ‘ब्रान्ड पोखरा’ गर्ने भएको छ । एनएमएले पोखरालाई अन्तर्राष्ट्रिय सहरको रूपमा प्रस्तुत गर्ने उद्देश्यले यही अगस्ट १९ अर्थात् आउँदो शनिबार होटेल पोखरा ग्राण्डिमा उक्त सम्मेलन गर्न लागेको हो ।

सम्मेलन को मुख्य प्रस्तोता डा. तुलसी धरेल हुन् । उनी टोरोन्टोस्थित सेन्टिनियल कलेजमा अन्तर्राष्ट्रिय बजार विषयमा प्राध्यापन गर्दै आएका छन् । साथै उनी चार्टर मार्केटर तथा क्यानाडी मार्केटिङ एसोसीयसनको बोर्ड सदस्य समेत हुन् ।

पोखरामा पैसा कम भएका पर्यटकहरू आउँछन् भन्ने एउटा उखान पनि छ, तर पोखरा भनेको सस्तो डेस्टिनेसन होइन । यो राम्रो र महँगो ठाउँ पनि हो । पोखरालाई गुणस्तरीय र महँगो बनाउनुपर्छ ।

विश्वका उत्कृष्ट व्यक्तिहरू जो भ्याकेसनमा हिमाल र प्राकृतिक सौन्दर्य हेर्न चाहन्छन् उनीहरूको लागि पोखरा पनि एउटा उत्कृष्ट गन्तव्यको रूपमा चिनाउन ब्रान्ड पोखरा अभियान सञ्चालन गर्न लागिएको डा. धरेलले बताए । ‘जेनेभा, नर्वे र स्विडेन जस्तै पोखरा पनि एउटा सुन्दर गन्तव्य हो, पोखराबाट आँखै अगाडि हिमाल देख्न सकिन्छ । त्यस्तो सुन्दर सहरलाई विश्वसामु पुर्याउनु मार्केटिङ एउटा माध्यम हो ।’ उनले थपे, ‘पोखरामा पैसा कम भएका पर्यटकहरू आउँछन् भन्ने एउटा उखान पनि छ, तर पोखरा भनेको सस्तो डेस्टिनेसन होइन । यो राम्रो र महँगो ठाउँ पनि हो । पोखरालाई गुणस्तरीय र महँगो बनाउनुपर्छ ।’ ब्रान्ड पोखरालाई ग्लोवलाइजेसन गर्न सकेको खण्डमा ब्रान्ड पोखराको नाम अन्तर्राष्ट्रिय स्तरमा पनि चिनिने धरेलले बताए ।

त्यस्तै, एनएमएले ‘लेट्स ब्रान्ड नेपाल’ अभियान पनि सुरु गरेको छ । अभियानले नेपालको राष्ट्रिय पहिचानलाई विश्वव्यापीकरण गर्ने लक्ष्य राखेको छ । नेपाली सेवा तथा वस्तुको प्रचारप्रसारमा हुँदै आएको परम्परागत परिपाटीलाई हटाउँदै मार्केटिङको अत्याधुनिक शैलीलाई अवलम्बन गर्ने यो अभियानको उद्देश्य रहेको । नेपालको मार्केटिङ शैलीलाई अन्तर्राष्ट्रिय मापदण्डअनुरूप पुर्याउन यो अभियानले सहयोगी भूमिका खेल्ने जनाइएको छ ।

यो पनि…
तुलसी धरेल जो नेपाललाई विश्वसामू चिनाउन चाहन्छन् (भिडियो पनि)
नेपालको मार्केटिङलाई धारिलो बनाउन एनएमए (भिडियो पनि…)



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,