आई फ्लुबाट बच्न यसो गर्नुहोस्

मौसम परिवर्तनसँगै संक्रमण सर्नु सामान्य कुरा हो तर यदि आँखामा फ्लु देखा परेको छ भने यसलाई हल्का रूपमा लिनु हुँदैन । आँखाको फ्लु एक छिटो फैलिने संक्रमण हो, जुन यो मौसममा छिटो फैलिन्छ । यो फ्लुलाई कन्जन्क्टिवाइटिस पनि भनिन्छ। यसमा आँखा जल्ने, दुख्ने र रातो हुने जस्ता समस्या देखिन्छन् । यो रोग को मुख्य कारण एलर्जी प्रतिक्रिया हो । यो संक्रमण जुनसुकै उमेरमा हुन सक्छ, तर प्रायः यसले बालबालिकालाई असर गर्छ । यसको लक्षण देखिएमा तुरुन्त चिकित्सकलाई सम्पर्क गर्नुपर्छ ।

आँखाको संक्रमण सामान्यतया एउटा आँखाबाट सुरु हुन्छ र अर्को आँखामा फैलिन्छ । वर्षाका कारण हावाबाट संक्रमण फैलाउने कीटाणु र ब्याक्टेरिया बढ्छन् । आँखाको फ्लु एक संक्रामक रोग हो र यो संक्रमित सतह छोएर मात्र सर्छ । तसर्थ, यदि तपाईँ कुनै सतहलाई छुनुहुन्छ भने, तपाईँको आँखा छुनु अघि हातहरू राम्ररी सफा गर्नुहोस् र तपाईँको आँखालाई बारम्बार नछुनुहोस् ।

लक्षण

– आँखामा कडा दुखाइ
– आँखा रातो हुने
– चिब्रा आउने, पहेँलो बग्ने
– चिलाउने
–आँखा धमिलो हुने
– जलन हुने
– देख्न गाह्रो हुने
– आँखामा केही चिल्लोपन महसुस हुने ।

बच्ने उपाय

– सफा र चिसो पानीले धेरै पटक आँखा धुनुहोस् र डाक्टरले तोकेको आई ड्रपहरू राख्नुहोस्।
– नियमित रूपमा हात धुने, हात नधोईकन आँखा नछुने, आँखामा फ्लु भएका व्यक्तिसँग सम्पर्क नगर्ने ।
– आफ्नो तौलिया, लुगा, ओछ्यान, चस्मा, आँखाको मेकअप सामग्री, आई ड्रप अलग राख्नुहोस् र कसैसँग साझा नगर्नुहोस्।
– आँखा चिलाउने अवस्थामा कहिले पनि आँखा नमिच्नुहोस्, सफा पानीले सफा गर्नुहोस् ।

वर्षा याममा भिज्नु र स्विमिङ पुलमा नुहाउनु हुँदैन। यदि तपाईँ कन्ट्याक्ट लेन्स प्रयोग गर्नुहुन्छ भने, तिनीहरूको सरसफाइमा विशेष ध्यान दिनुहोस्। प्रत्येक पटक प्रयोग गर्नु अघि कन्ट्याक्ट लेन्सहरू कीटाणुरहित गर्न निश्चित हुनुहोस् । साना बच्चाहरूलाई बारम्बार आफ्नो हात धुन र बारम्बार आँखा नछुन प्रोत्साहन दिनुहोस् ।

संक्रमण भएमा के गर्ने ?

सबै सावधानी अपनाएर पनि यदि तपाई आँखाको फ्लुको सिकार हुनुभएको छ भने सार्वजनिक स्थानमा नजाने । यसले स्वस्थ व्यक्तिहरूमा संक्रमण फैलाउन सक्छ । आँखामा कालो चस्मा लगाएर मात्र बाहिर निस्कनुहोस् । यदि संक्रमित छ भने, हात नमिलाउने र सार्वजनिक स्थानहरूलाई नछुनुहोस् । स्यानिटाइजर पनि प्रयोग गर्न पनि सकिन्छ ।

खानपान

आँखालाई स्वस्थ राख्न खानपान पनि निकै महत्त्वपूर्ण हुन्छ । आफ्नो दैनिक आहारमा भिटामिन ए, भिटामिन बी र भिटामिन सी प्रशस्त मात्रामा हुने खानेकुराहरू समावेश गर्नुहोस् ।

आँखाको फ्लु सामान्यतया तीन–चार दिनमा आफैँ निको हुन्छ तर निको हुनुको सट्टा संक्रमणको समस्या बढ्दै गएको र हेर्नमा समस्या भएमा राम्रो नेत्र रोग विशेषज्ञसँग परामर्श लिनुपर्ने चिकित्सकहरू बताउँछन् । चिकित्सकको सल्लाहबिना कुनै पनि औषधि आफैँ नखाने र आँखामा राख्नु हुँदैन । गलत औषधि वा आई ड्रपले तपाईँको संक्रमणलाई अझ खराब बनाउन सक्छ । यस्तो बेला आँखामा गुलाबजल पनि हाल्नु हुँदैन ।

यो पनि…
यी हुन् आँखामा आनो आउनुको कारण, कसरी बच्ने ?
आँखामा देखिने समस्याबाट कसरी बच्ने ?