यसरी हुर्काउनुहोस् बिरुवा
घरलाई सुन्दर बनाउन बगैँचाको भूमिका महत्त्वपूर्ण हुन्छ । बगैँचामा रहेका मौसमी तथा सदाबहार बोटबिरुवाले घरलाई सुन्दर देखाउँछ । घाम कुन ठाउँबाट आउँछ, त्यसमा ध्यान दिएर बिरुवा रोप्दा बोटबिरुवा आकर्षक देखिन्छ । बोटबिरुवाको हेरचाह गर्दा यी कुराहरूमा विशेष ध्यान दिनु पर्छ ।
— कुनै पनि नयाँ बिरुवा रोप्दै हुनुहुन्छ भने तपाईँले नर्सरी बाट ल्याउने बिरुवा कम्तीमा पनि साढे दुई फिट र बढीमा ५ फिटको हुनुपर्दछ ।
— यदि तपाईँले घरमै गमलामा बेर्ना उमार्नु भएको छ भने गमलाको बिरुवा बगैँचामा सार्दै हुनुहुन्छ भने एक देखि डेढ फिटको खाडल बनाउनु पर्छ र बिरुवालाई सार्नु पर्छ ।
— बगौंचाको माटो चिम्टाइलो छ भने त्यसमा बालुवा, माटो र मल मिसाउनु पर्छ ।
— गमलामा भएको बेर्नालाई जमिनमा सार्दा गमलामा भएको एक फिट माटो सँगै हालेर पुर्नु पर्छ ।
— बिरुवा सारिसकेपछि त्यसलाई वरिपरिबाट पानी हाल्ने, बिरुवा नसरेसम्म दिनको दुई पटक बिहान र बेलुका नबिराई पानी हाल्नुपर्छ ।
— बिरुवालाई बेलाबेलामा गोडमेल गर्ने र त्यसमा उम्रिएका झारहरूलाई निकाल्ने गरिरहनु पर्छ ।
— बोटबिरुवामा लाई लाग्ने समस्या हुन सक्छ त्यसको लागि पसलबाट लाईको औषधी ल्याएर हाल्ने अथवा घरमै पनि लाईको औषधी बनाउन सकिन्छ त्यसको लागि लसुन र तीतेपातीलाई कुटेर पानीमा मिसाउने र लाई लागेको बिरुवामा माथिबाट छर्कने यसले लाई तथा अन्य किराहरू पनि लाग्न सक्दैन ।
— बोटबिरुवामा मल हाल्दा कम्पोस्ट मल, पिना, र बोन मील मिसाएर एउटा बिरुवालाई आधा किलोको दरले हाल्नु पर्छ । यसरी मल हालेपछि बिरुवाको वृद्धि विकास छिटो हुन्छ ।
यो पनि…
बाल्कोनी सजाउन यी पेन्टिङ सुझावहरू
घरमा रोप्नुहोस् यी औषधीय गुण भएका बिरूवाहरू
