English

अभिनेत्रीका कारण सर्‍यो ‘जी ले जरा’



अभिनेत्री प्रियंका चोपडा, कटरिना कैफ र आलिया भट्टको अभिनय रहने फिल्म ‘जी ले जरा’ का कारण उनीहरूका फ्यान निकै उत्साहित थिए । यो फिल्मको छायांकन कहिले सुरु होला भन्ने चासो सर्वत्र थियो ।

तर, पछिल्लो विकसित घटनाक्रम हेर्दा यो फिल्म तत्कालका लागि धेरै पछाडि सरेको छ । फिल्मका तिनै अभिनेत्रीका कारण फिल्मको काम हालका लागि स्थगित गरिएको छ ।

‘वर्तमान समयमा आलिया र कटरिनाको निजी जीवनका कारण फिल्मको काम रोकिएको छ । आलिया अहिले पहिलो सन्तानको तयारीमा छिन् । त्यसकारण उनलाई यात्राको कथा समेटिएको यो फिल्ममा तत्काल अभिनय गराउन सम्भव छैन । प्रियंकाको छोरी पनि ६ महिनाकी मात्र भएकी छन् । उनी छोरीसँग अहिले खुशीका साथ बिताइरहेकी छन् । उनलाई पनि बोलाउन सम्भव छैन ।’ फिल्म निकट स्रोतले भनेको छ ।

कटरिनाको कुरा गर्दा अभिनेता विक्की कौशलसँग विवाह गरेपछि उनी चर्चामा छिन् । केही समयअघि मात्र उनलाई एक क्लिनिकबाट बाहिर निस्कँदै गरेको अवस्थामा पापराजीले भेटेका थिए । उनी पनि गर्भवती भएको हुनसक्ने अनुमान गरिएको छ । कटरिनाले सलमान खानसँगको फिल्म ‘टाइगर ३’ को काम सकिसकेकी छन् । उनी चाँडै ‘फोन भूत’को प्रमोसनमा व्यस्त हुँदैछिन् ।

फरहान अख्तरले निर्देशन गर्ने ‘जी ले जरा’लाई प्रतिक्षित फिल्म मानिएको छ ।

यो पनि…
‘पुष्पा २’लाई ठूलो स्केलमा बनाइँदै
गोविन्दालाई एकसाथ ७५ फिल्मको अफर !



Leave a Reply

Your email address will not be published. Required fields are marked *

सम्बन्धित खबरहरु

अहिले होली पर्वलाई भाङ खाने, मदिरापान गर्ने, होहल्ला गर्ने गरेर मनाउन थालिएको छ । यसले यो पर्वको महत्वलाई भुलाउदै नराम्रो

सहरका स्थानीय रैथाने चिनियाँ नयाँ वर्षको उमंगमा उर्लिरहेका बेला गत आइतबार हङकङेली नेपालीहरूको लामै लर्को भने युङ लङ थिएटरतर्फ सोझिएको

नेवार समुदायले मनाउने यःमरि पुन्हि अर्थात योमरी पूर्णिमा र ज्यापु दिवस आज मुलुकभर उल्लासका साथ मनाईदैछ । हरेक वर्ष धान्य

गुरुङ जातिको महान चाड तमु ल्होसारको छेकपारि ज्योति गुरुङको शब्दमा आयो तमु ल्होसार सार्वजनिक भएको छ । बेलायतमा बसोबास गर्दै